- Atuisut tunisassiaq apersuutigisarmassuk aalajangersimavugut nunatsinni tuniniarniarlugu. Aallaarniutigalugu Nuummi pisiniarfinnut tunivarput nioqqutissiarli piumaneqassappat sineriammi aamma tuniniassavarput, Nunatsinni tunisassisianik tuniniaavimmi ingerlatsisoq Malik Hegelund Olsen oqarpoq.

Tunisasissaq Japanimi tuniniaavinnut tuniniagaavoq, taamaattumik tunisassiaq japanimiutut allanneqarluni poortorneqarnikuuvoq. Kisiannili tunisassiat Nuummi tuniniarneqartussat kalaallisut danskisullu allanneqartumik allagartalersugaapput.

- Nioqqutissiat kiilukkaarlugit poortugaapput soorlu aamma taama poortorlugit Japanimiunut tunisassiat tuninisassiarineqartartut. Taamaattumik nioqqutissiat puui japanimiusut allanneqarput, kisiannili nunatsinni allagartalersuisarneq pillugu nalunaarut atuuttoq naapertorlugu kalaallisut danskisullu allaqqasumik allagartalersugaapput, Malik Hegelund Olsen oqarpoq.

Nioqqutissiaq mamarluinnartuusoq aapatiinnarlugu sojamut misullugu nerineqarsinnaavoq, aammalumi allatut nerisassiarineqarsinnaalluni.

Raajat uutat akiisa nalingisa assipajaavinik akeqarlutik nioqqutissiat pisiarineqarsinnaassaassapput.

Allattoq: Inga Egede, ineg@royalgreenland.com

Assit: RG

Asseq

 
 

Royal Greenland aperiguk

i
Write the text from the image