- Sikumi aalisartalernissaq ungasikkunnaarpoq. Sikumi ningittakkersorluta qaleraleqarluartillugu ullormut 600-700 kiilut aalisarsinnaasarpavut. Oqummersat 300-juugaangata akunnerit pingasut missaani ninigitseriarluta, amuariarluta ningeqqittarpavut, Jokum Davidsen oqarpoq.

Aalisartut 30-t missaaniittut Royal Greenlandip Ukkusissani tunitsivianut tunisisarput. Nunaqarfiup eqqaani aalisarfiusartut amerlapput, sikuuneranilu aalisarfiusartut ilagaat Ukkusissat kangia, taaguuteqartinneqartoq “Perlerfiup sullua”. Aalisarfiusartoq tikinniaraanni 25 kilometerit siumuinnaq ingerlaqqaarluni tikinneqarsinnaavoq.

- “Perlerfiup sullua” sikuutillugu tikinniaraanni qamuteralaat atorlugit imaluunniit qimusserluni ornitassaasarpoq, sulili sikulluarsimanngikkaangat umiatsiamik sikup siinaanukaqqaartarpugut. Qaleralinniaraangatta ilaanni illuaqqami unnuisarpugut, ullaarnganiillu arfineq-pingasut missaaniit aalisarfimmi aalisartarpugut ullororneranilu amuariarluta ningitseqqittarpugut, Jokum Davidsen oqarpoq.

Atortut nutaat

Qangaanerusoq sikumi aalisarneq ullumikkumut sanilliullugu Jokum Davdisenip allaanerussuteqartippallaanngilaa. Ukiulli tallimat qaangiummata nutaanik assartuutitaarnini aalisartuunerminut iluaqutigilluarsimavaa.

- Aalisartutut inuuneq nammineq toqqarnikuuara, uannullu pingaaruteqaqaaq. 2010-mi qamuteralaat atulerpakka, aalisartuuninnullu iluaqutigilluinnarpakka. Qamuteralaqarluni suna tamarmi sukkanerusumik ingerlasinnaavoq, ilaannikkulli aamma qimusserlunga aalisariartarpunga, Jokum Davidsen oqarpoq.

Avannaani sikuutillugu aalisarneq nalinginnaasumik januarimiit marsip tungaanut ingerlasarpoq.

Allattoq: Nathan Kreutzmann, nakr@royalgreenland.com

Asseq: RG

Asseq

 
 

Royal Greenland aperiguk

i
Write the text from the image