- Saarullit niaquiarneqanngitsut tunineqaraangata tunisassiorfimmi suliareqqillugit niaquiarneqartarput blokkinngorlugillu qerinasuartinneqartarlutik, Qeqertarsuatsiaani tunitsivimmi ingerlatsisuugallartoq Simon Bendtsen oqarpoq.

Aalisartut saarullinnik niaquiakkanik nalinginnaasumik tunisisarput, sapaatilli akunneri maluk kingulliit saarullinnik niaquiarneqanngitsunik tunisineq misilittarneqarluni aallartippoq. Ukiup taamaalinerani sila unerisimajunnaaraangat aalisarniarneq ajornarnerulertarmat aalisartut tunisiartunnginnerminni saarullinnik suliaqarnerat pisariinnerulerpoq.

- Aalisarfiusartut ungasissumiipput qaamanikinnerulerneralu ilutigalugu issinnerulerpoq. Taamaattumik saarullinnik niaquiarneqanngitsunik tunisisinnaanermik periarfissiineq piffissartornannginnerummat aalisartunut iluaqutaavoq, Simon Bendtsen oqarpoq.

Sulillerissut

Saarulleqarluartillugu Qeqertarsuatsiaani tunitsivimmi sulisut 20-25-t sulisarput. Ukiukkullu saarullinnik tunisineq annikillisarmat maanna tunitsivimmi sulisut arfinillit sulisorineqarput.

- Pikkorissunik sulilluartunillu tunitsivimmi sulisoqarpugut, saarullinnillu niaquiarneqanngitsunik tunisisoqartalermat tunitsivimmi sulisugut amerlisariaqarnikuunngilagut, Simon Bendtsen oqarpoq.

Qeqertarsuatsiaani tunitsivimmi saarullinnik niaquiaammik misileraaneq upernaaru unissaaq.

Allattoq: Nathan Kreutzmann, nakr@royalgreenland.com

Asseq: RG

Asseq

 
 

Royal Greenland aperiguk

i
Write the text from the image