- Aalisartunut tunisitillugit maskiinat killilimmik atornerisigut tunisassiorneq ingerlanneqassaaq.

Nunaqarfimmi innaallagissiorfimmi generatorimik arfinninngormat ikuallattoqarnerata kingorna tunisassiorfik matugaluarpoq. Generatorip ikuallanneratigut tunisassiorfimmi qerinasuartitsivik , quersuaq qeritsitsiviutigisoq aammalu sikuliorfik ataatsikkut ingerlasinnaajunnaarnerannik nassataqarpoq. Tassalu tunisasssiorfimmi maskiinat tamarmik nalinginnasumik atussagaluarpata innaallagissiorfik artorsalertussavoq nunaqarfiup innaallagissamik pilersorneqarneranut ajoqutasinnaasumik.

Niels Sakariassen oqarpoq nunaqarfimmi innaallagissiorfimmi nakkutilliisoq suleqatigiinnissamik isumaqatigiissuteqarfigineratigut tunisassiorfiup ammaqqinnissaa aalajangiunneqartoq.

- Tunisassiornitsinni atortorissaarutit killilimmik atornerisigut tunisassiorneq ingerlasinnaavoq. Tassa imaappoq quersuaq qeritiiviutigisoq, qirinasuartitsivik aammalu sikuliorfik tamaasa ataatsikkut atorsinnaanngilavut. Tassa assersuutigalugu imaappoq sikuliorfik ingerlatilugu qerinasuartitsivik ingerlasinnaanngimmat taava sikuliorfik ingerlatillugu qerinasuartitsivik qaminneqartassaaq taamatullu aamma qerinasuartitsivik ingerlatillugu sukuliorfik qaminneqartassalluni; kisianni quersuaq qerititsiviutigisoq ingerlaannassaaq, Niels Sakariassen nassuiaavoq aammalu oqaluttuarluni ataasinngorneq unnukkut nunaqarfimmiut ikioqatigiillutik generatori taartissamaat assartorsimagaat.

- Nunaqarfimmiut tamarmik tunisassiorfiup ammaqqinnissaa soqutigisarigamikku generatori taartissamaat ikioqatigiillutik umiarsualivimmiit innaallagissiorfimmut assartorpaat. Generatorit marluusuut aappaa aserussagaluarpat maanna nunaqarfimmiut innaallagissamik pilersorneqarsinnaanerat qulakkeerneqarpoq, kisiannili generatorit arlaat aserussagaluarpat tassa tunisassiorfik matoqqittariaqassaaq, Niels Sakariassen oqarpoq.

Nanortalimmi Nukissiorfimmi maskinmesteri David Geråe nalunaarpoq Nukissiorfik maanna nunaqarfiup generatorsisaanik noqqaasoq 2015-imi aasakkut nunaqarfik nutaamik innaallagissiorfittaarnissaata tungaanut atugassamik.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image