Shimoda Takaaki imarmiunik Kalaallit Nunaanneersunik Japanimut tuniniaanermi sinniisuulluartut ilagilluinnarpaat, pingaartumik niueqateqarnermi niueqatigiillu akornanni attaveqatigiinnermik ineriartortitsinermi piorsaanermilu sinniisuulluarsimavoq.

Shimoda Takaaki Royal Greenlandip Japanimi tuniniaasarfiani ukiuni 26-ni aqutsisuusimavoq, Japanimilu nunatsinneersunik imarmiunik soqutigisalinni Kalaallit Nunaata ilisimaneqalernissaanut pingaaruteqarsimaqaaq.

Inatsisartuni siulittaasoq Lars Emil Johansen oqalugiaateqarnermini ilaatigut oqarpoq:

- Royal Greenlandi 1988-imi Japanimi tuniniaanermut immikkoortortaarpoq. Ukiuni tamani aqutsisimaninni aammalu aallussilluarlutillu nutaaliortuarnikkut immikkoortortaqarfik tassaalersissimavat Royal Greenlandip sinneqartooruteqarneranut tapersiuteqarnerpaasoq.

- Japanimiut pitsaasunik piumasaqartarnertik imarmiunillu nuannarisaqarnertik ilisimaneqaatigaat, illillu japanimiut tuniniaasartut ikittuinnaat ilagalugit qaleralik Kalaallit Nunaanneersoq Japanimi niuerfimmi ilisimatilersimavat. Kingorna issittup raajaa, saattuat, suluppaagaq kingullertigullu nipisap suaanik ilisimatitsilerputit. Shimoda immikkoortortap ½ milliard korooninik kaaviiaartitaqalersimaneranut angusaqarsinnaanerit iluatsilluarsimaqaat.

- Suliniuteqarsimanerit Inatsisartut siulittaasoqarfianit qujassutigeqaarput Nersornaammillu sølviusumik nersornaaserneqarputit.

Shimoda Takaakip qujaniarluni oqalugiarnermini nersornaaserneqarnini tuppalliutigalugu qujamasuutigaa. Ilaquttani suliniarnermini tapersersuisarsimasut aammalu suleqatini Royal Greenlandilu ullunnarni sulinermini tapersersuisarnerannut qutsavigai.

Nersornaasiineq Royal Greenlandip qullersaqarfiani ullumi pingasunngornermi februaarip 11-ani nal. 14.00 pivoq.

Allattoq: Káte Hansen, kaha@royalgreenland.com

Assit: John David Eriksen

Asseq

 
 

Royal Greenland aperiguk

i
Write the text from the image