- 2018-imi Olympiademi peqataanissannut Royal Greenland aningaasaliisut pingaarnerit ilagaat. Tapersersorneqarninnut atatillugu Royal Greenlandimi sulisut Arctic Circle Race-mi peqataasussat sungiusarneranni siunnersuillunga tunniussaqassaanga, Martin Møller oqarpoq.

Sulisut peqataasussat tamarmik illoqarfinni assigiinngitsuni najugaqarput. Taamaattumik Martin Mølleri peqataasussat sungiusarneranni najuulluni peqataasinnaannginnami ujaakkaarluni unammersuarnermi 160 kilometerimik isorartutigisumi ulluni pingasuni ingerlaarnissaannut sungiusarneranni, sisoraatinik pujassaanissaannik allatigullu sungiusarneranni siunnersussavai.

- Arctic Circle Race-mi peqaataaniarnermi piareersaatissat amerlaqaat. Soorlu peqataanissaq sioqqullugu sungiusarnermut atatillugu ingerlaarnermi nerisassat aammalumi ingerlaarnermi unnuisarfinni aqqusaagassat eqqarsaatigalugit. Taamaattumik neriuppunga peqataasussat arpannginnermi aammalu arpannermi siunnersuinera iluaqutigissagaat, ujakkaarnersuarmi aamma peqataasussaq Martin Møller oqarpoq.

Royal Greenlandimi sulisut Arctic Circle Racemi peqataasussat ilagaat 29-inik ukiulik Agathe Dahl Thorleifsen Sisimiuni Royal Greenlandimi pisiortornermi sulisoq. Agathe oqarpoq Martin Møllerimit siunnersorneqarneq sungiusarnissamut kajumissuseqalersitsisoq.

- Ujakkaarluni unammersuarnermi peqataanissannut sungiusarninni allatigullu piareersarninni Martin Møllerimit siunnersorneqarnera assorsuaq iluarpoq. Aatsaavissussuaq Arctic Circle Race-mi peqataasussaagama piareersarnermi suut pingaaruteqarnersut misilittagaqarfiginngilara. Kisiannili Martin Møllerip siunnersuineratigut qanoq, qaqugu aammalu qanoq annertutigisumik sungiusassanerlunga ilisimalerpara. Tamanna assorsuaq sungiusarnissamut kujumissuseqalersitsivoq, Agathe Dahl Thorleifsen oqarpoq.

Arctic Circle Race Sisimiuni marsip 20-aniit 22-at ilanngullugu ingerlanneqassaaq.

Allattoq: Inga Egede, ineg@royalgreenland.com

Asseq: Nammineq pigisaq

Asseq

 
 

Royal Greenland aperiguk

i
Write the text from the image