- Nunaqarfinni tamangajanni tunisassiorneq pissusissamisut ingerlavoq. Saattuni Ikersammilu erngup aqqutaannik qerruttoortoqarnera pissutigalugu ajornartorsiortoqaraluartoq qaleralinnik tigooraapput. Saattunut tunisat Uummannamut assartorlugit tassani suliareqqinneqartarput. Saattuniit Uummannamut tunisanik assartuineq qamuterallinnik pivoq, taama oqaluttuarpoq Uummannami tunisassiorfiup ingerlatsisua Kirsten Nielsen Jensen.

Qaleralinnik suliareqqinneqarsimmanngitsunik assartuinerup Saattuni qerititsiviup inissaqalerneranik nassataqarmat Ukkusissani qalerallit suliareriikkat Saattunut assartorlugit qerititsivimmiitinneqarput.

- Ukkusissani inuit 20-it qaleralinnik niaquiaasut allat qullukkerillutik suliaqarput. Ukkusissani qerititsivik ulikkaaqqammat qalerallit palitsit 61-it Saattunut assartorneqarput, Kirsten Nielsen Jensen oqaluttuarpoq.

Ikerasanni erngup aqqutaata qerineranik pissuteqartumik tunisassiorneq sapaatip akunnera uninngasimalluni aallarteqqissimavoq.

- Februarip 23-iani sulisut 33-iusut tamarmik tunisassiornermi suliaqarlutik suleqqilerput. Ikerasanni qeritsitivik ulikkaarmat qaleraliit niaquiakkat sikukkut Uummanniaaneqartarput.

Taamatuttaaq Nuugatsiami tunisassiorneq pissusissamisut ingerlavoq.

- Nuugaatsiami tunisassiassanik tunisineq pissusissamisut ingerlavoq. Tassani inuit 15-it ilaat qaleralinnik niaquertiterlugit qerititerinermi suliaqartut allat qullukkeripput, Kirsten Nielsen Jensen oqarpoq.

Uummannami nunaqarfiinilu maannakkorpiaq inuit 164-it Royal Greenlandip tunisassiorfiiini sulisorineqarput.

Allattoq: Inga Egede, ineg@royalgreenland.com

Asseq: RG Uummannaq

Asseq

 
 

Royal Greenland aperiguk

i
Write the text from the image