- Suliffeqarfik ukiuni makkunani sukkasuuumik ineriartorpoq sulisullu ukiuni kingullerni amerlatsikkiartorput. Ineriartornerulli pitsaasup suli ineriartortuarnissaa neriuutigalugulu upperaarput, aammalumi suliffeqarfissuup pitsaasumik ineriartorneranut attuumassuteqartumik Claus Nielsen atorfinitsinneqartoq Suliffeqarfissuarmi Sulisoqarnermi Ingerlatsisoq Søren Olsen Damgaard oqarpoq.

Claus Nielsenip suleqatigiissinnaanermut aammalu ineriartortitsinermi misilittagai suliffeqarfissuarmi sulisusunik ineriartortitsineq siunertaralugu Royal Greenlandip suliniuteqarnerani iluaqutigineqassammata Royal Greenland sinnerlugu Søren Olsen Damgaardip nuannaarutigaa.

- Sulisut Nunatsinni sumiiffinni assigiinngitsuni najugaqartut suleqatigiissinnaanermut, inuttut ineriartornikkut allatigullumi ineriartortinneqartuarnissaat Royal Greenlandip soqutigisaraa.

- Taamaattumik nuannaarutigeqaarput maanna Claus Nielsen Sulisoqarnermi immikkoortortaqarfimmi atorfinitsissinnaagatsigu. Claus Nielsen timersornerup silarsuaani aqutsisutut sungiusaasutullu pitsaalluinnartunik angusaqartarnini pillugit amerlasuunit ilisimaneqarpoq. Clausip siunnersortitut pikkorissaasutullu atorfeqarnini aqqutigalugu sungiusaasutut aqutsisutullu misilittakkani suliffeqarfissuarmi sulisut 1.000-t missaanni amerlassuseqartut iluaqutigisinnaasaannik nuannaarutisinnaasaannillu ingerlatitseqqissinnaajumaarnissaa anguniagaraarput, Søren Olsen Damgaard oqarpoq.

Asseq

 
 

Royal Greenland aperiguk

i
Write the text from the image