Unnuk Kulturisiorfimmi bussit Marineforeningip eqqaanut killillutik ingerlasassapput, takornariarusuttullu pisulaarunik tunisassiorfimmut Royal Greenlandillu qullersaqarfianut paasisassarsiorsinnaapput. Royal Greenlandip qullersaqarfia tunisassiorfialu nalunaaqutaq 18.00-imiit 21.00-ip tungaanut alakkaarusuttunut ammatinneqassapput.

Royal Greenland A/S-ip allaffeqarfiata saaffiginnittarfiani kilisaatini ingerlatsineq, suliffeqarfimmilu atorfiit assigiinngitsut paasisaqarfigineqarsinnaapput, Royal Greenlandimi sulisut naapinneqarsinnaapput, soorlu pisortaaneq Michael Thinghuus aamma Arctic Winter Gamesip takoqqusaarutaa Kuluk.

Royal Greenlandip oqaluttuassartaa assitigut Royal Greenlandip kantiinartaavani seqersittakkatigullu unnuk naallugu takutinneqassaaq. Apeqqutit akisassat qulit aallaavigalugit pappiaqqatigut immersugassat atorlugit unammisitsisoqassaaq, , taakkunanngalu immersorneqarsimasunik makitsisoqarumaarpoq.

Unnuuttaaq ingerlanerani Royal Greenlandip tunisassiorfittaani assigiinngitsunik unammisitsisoqassaaq, soorlu raajanik qalipaajaanermik nerpiiaanermillu. Kaffeqarlunilu teeqassaaq Royal Greenlandillu tunisassiaataaneersunik assigiinngitsunik tamulugassaqarumaarpoq. Meeqqanut sammisassaqartitsisoqassaaq aalisartuusaarfeqarluni aammalu titartaanermik unammisitsisoqarluni.

Allattoq: Erninnguaq Reimer, erre@royalgreenland.com

Asseq

 
 

Royal Greenland aperiguk

i
Write the text from the image