- Pissanngatiginerpaanikuuarput Unnummi Kulturisorfimmi Royal Greenlandi aatsaat siullerpaameerluni peqataasussaanera, aamma bussit unittarfiat Royal Greenlandip suliffeqarfianiit ungasilaarmat, kisianni unnuk ilimagisatsinniit ingerlalluarneruvoq, sulisoqarnermi ataqatigiissaarisoq Lena Jensen oqarpoq.

Royal Greenland A/S-ip Unnuk Kulturisiorfimmut peqataaqqaarnera sulisunit assinganillu pulaartunit alapernaatuniit nuannaarutigineqarpoq.

Siullerpaamik ammatitsinerugaluartoq piareersaalluarnikkut sulisullu suleqatigiilluarnerisigut unnuk pitsaasumik ingerlanneqarpoq, Unnummilu kulturisorfimmi tunisassiorfimmut pulaartoqarnera iluatsilluarpoq, tunisassiorfimmullu pulaartut sammisassaritinneqartunut soqutiginninnerat sulisunit malugineqarpoq.

- Unammisitsinerit soqutigineqarluarlutik peqataaffigineqarput, soorlu qaleralimmik tisanermi unammisitsinitsinnut peqataasut 30-upput, unammisitsinerillu sinneri soorlu raajanik qalipaajaaneq meeqqanullu sammisassaq aalisartuusaarfik tamarmik soqutigineqavissorput, Nuummi tunisassiorfimmi ingerlatsisoq Theo Didriksen oqarpoq nagillunilu:

- Tunisassiorfiup ammatinneqarnerani inuit tunisassiorfiup ingerlanneqarneranut soqutiginnillutik tunisassiornerup qanoq ingerlasarneranut tunngasunik apersortut amerlapput, taamaattumik oqartoqarsinnaavoq Unnuk Kulturisorfik iluatsilluartoq, Theo Didriksen naammagisimaarinnilluarluni naggasiivoq.

Allattoq: Erninnguaq Reimer, erre@royalgreenland.com

Asseq

 
 

Royal Greenland aperiguk

i
Write the text from the image