Unnummi kulturisiorfimmi Uummannami tunisassiorfiup ammanerani tunisassiorfik, tunitsivik, qerititsivissuaq, laboratoria, allaffik kantiinalu alakkarneqarsinnaassapput.

- Ukioq manna tunisassiorfimmi pulaarsimasut anilernerminni pappiaqqamik kisitsisitalimmik makitsinissami atugassamik tunineqartassapput. Makitsinermi eqquisoq Royal Greenland A/S-ip tunisassiaanik pissarsissaaq, Uummannami tunisassiorfimmi ingerlatsisoq Kirsten Jensen oqarpoq.

Makitsinermilu meeqqat mamakujuttunik eqqugassaqartinneqassallutik peqataatinneqassapput.

Unnummi tassani takornariat assigiinngitsunik paasisaqarsinnaassapput. Laboratoriami sulisoq sulianut tunngasunik saqqummiissaaq, soorlu pitsaassusilerinermut tunngasunik. Qerititsivissualerisoq qerititsivissuup qanoq ulikkaariartortarneranik nassuiaateqassaaq. Allaffimmiut suliarisartakkaminnik saqqummiissapput, soorlu aalisartumut tunisiniartumut tunniunneqarsimasussat pingaaruteqassusaannut tunngasunik.

- Kantiinami qaleralinnik igaanik assingiinngitsunik sassaallissaagut saniatigullu suluppaakkanik igaaqassaaq, soorunalimi kaffeqarlunilu teeqarumaarpoq, Kirsten Jensen oqarpoq.

Allattoq: Erninnguaq Reimer, erre@royalgreenland.com

Asseq

 
 

Royal Greenland aperiguk

i
Write the text from the image