- Pulaarnera eqqissisimasumik ingerlavoq, Dronningilu tunisassiortarnerput pillugu soqutiginnippoq arlalinnillu apeqquteqarluni. Tunisassiorfik illoqarfimmi innuttaasunut qanoq sunniuteqarnersoq, ukiup qanoq ilinerani nipisanniartoqartarnersoq Royal Greenlandillu saarulliit nerpiinik Nutaaq * Cod-inik tunisassiortalersimanera annerusumik soqutigai, tunisassiorfimmi ingerlatsisoq Lisbeth Østergaard oqarpoq.

- Dronningi nuannaarpoq, eqqissisimavoq pulaarnerminilu tunisassiorfimmi sulisut najuunnerat nuannaarutigalugu. Pulaarnerani pisussat naammassineqareeraluartut Ataqqinartorsuaq malitsiilu tunisassiorfiup kantiinaani kaffisuutigalutik isersimaarput, tassanilu malitsinilu tunisassiortarnerput pillugu apeqquteqaqqittarput, Lisbeth Østergaard oqarpoq nangillunilu:

- Dronningip pulaarnera tunisassiorfimmi sulisunit nuannaarutigineqaqaaq pulaarneralu nuannerlunilu eqqissisimasumik ingerlavoq. Pulaarnerata aallaqqaataani annilaangalaarpunga, Dronningili eqqissisimammat soqutiginnilluarmallu annilaangajunnaarpunga, taamaattumik pulaarnera minutsit 45-t missaani sivisussuseqartoq nuannersumik ingerlavoq, Lisbeth Østergaard oqaluttuarpoq.

Dronningip Royal Greenlandip Maniitsumi aalisakkanik tunisassiorfiani pulaarnerani Prins Henrik namminersortumi aalisakkanik neqinillu tunisassiorfimmi Lilleholm Food Aps-imi pulaarpoq.

Dronningip Royal Greenlandip aalisakkanik tunisassiorfiani pulaareernerata kingorna Qeqqata Kommuniani borgmesterip tulliata Gedion Lyberthip Dronningi, Prins Henrik malitsiilu kiisalu illoqarfiup nuimasortai Hotel Maniitsumut qaaqquai, qaaqqusinermilu Nutaa * Cod-it pulaartunut sassaalliutigineqarput.

Allattoq: Inga Egede, ineg@royalgreenland.com

Assit: RG Maniitsoq

Asseq

 
 

Royal Greenland aperiguk

i
Write the text from the image