Ilulissani imermik qalatitsinissamik inassuteqarneq aallaavigalugu Royal Greenlandip tappiorannartunik misissuisarfiisa qullersaqarfianni Nuummiittumi aammalu misissuisarfimmi avataaneersumi Alcontrolimi Sverigimilu inissisimasumi peqqissaarulluinnarlugu misissuinernik kinguneqarsimavoq. Qaammatip ataatsip ingerlanerani katillugit ullormut misissugassat tallimat ingerlanneqarsimapput.

- Misissukkavut pitsaanerpaamik angusarqarfiginiarlugit ullormi tunisassiorfiusumi misissugassat tallimaasut ataatsimut akulerullugit misissortarsimavagut. Nammineq uagut avataaneersullu misissugaat nassaarfigineqarsimanngillat, tassa misissukkat Clostridium Perfringensimik, Listeriamik imaluunniit e-Coli bakterianik nassaarfigineqarsimanngillat, suliffeqarfissuarmi pitsaassusilerinermi ingerlatsisoq Annette Mortensen unnersiorpoq.

Royal Greenlandi tunisassiat maajip 26-aniit erngullu ajoquteqarunnaarnissaata tungaanut tunisassiat immikkoortilllugit illuartinneqarnissaannik aalajangerpoq, taamaasillunilu raajat qalatatut qalipaajakkatullu tunisassiaareersut katillugit 335 tonsit illuartinneqarsimapput.

- Naammagisimaaqaarput raajat qalatat qalipaajakkallu tonsit kingulliit ullumi Ilulissaniit akuerisinnaagatsigit, uangalu misissuisimanermi inernerit ammalu Ilulissani pitsaassusilerinermik ingerlatsineq tunisassianik utertitsillunilu tamakkiisumik unitsitsiffiusariaqarsimasut naammagisimaarutigeqaakka. Nammineq nakkutilliinissatsinnik maleruagassat kikkunnit tamanit malinneqarsimapput, taamalu tunisassiorfik, Nuummi pitsaassusilerinermik immikkoortortaqarfik kiisalu tappiorannartunik misissuisarfipput siunnerfeqarlutik sulilluarsimaqaat, Annette Mortensen oqarpoq.

Asseq

 
 

Royal Greenland aperiguk

i
Write the text from the image