- Aalisariutit taamatut angissusillit piffissap saarullinniarfiusartup ingerlanerani bundgarnersorlutik saarullinnik pisaminnik 110 tonsinik nalinginnaasumik tunisisarnerat eqqarsaatigalugu, maannamut aatassat taama pisaqartoqartigaaq, Royal Greenlandimi aalisarnermut siunnersorti Siverth Siverth Amondsen oqarpoq.

Junip ulluisa aaqaneq aappaanni kilisaat Sisimiut Qeqertarsuatsiaat eqqaani tunitsivittut ivertinneqarpoq.

Aalisariutit kujtaani Qaqortumiit allalli Nuuk tikillugu najugaqarfinneersut aqqanillit maannamut saarulliit uumasut 551 tons aammalu 200 kiilunik annertussusillit kilisaat Sisimiunut tunereersimalerpaat. Sisimiut juulip ulluisa arfineq pingajuata tungaanut Qeqertarsuatsiaat eqqaani bundgarnersorlutik aalisartunut tunitsiviussaaq.

Qeqertarsuatsiaat eqqaani bundgarnersorlutik aalisartut ukiut pingajusssaa saarullinnik uumasunik kilisaammut Sisimiunut tunisipput.

- Aalisartut sarulliit bundgarninik pisatik uumatiinnarlugit mikivallaartut aammalu aalisakkat allat immikkootiteriarlugit saarulliit tunisassatik qaluniitittarpaat tunitsiviup aalisarfimmukarnissaata tungaanut. Saarulliit tunineqartut kilisaammi tunitsvimmi nerpii saaneqanngitsuliaralugit tunisassiarisarpaat, Siverth Amonsen oqaluttuarpoq nangipporlu.

- Ukioq manna tunistvimmut saarullinnik tunisineq aallartinnerliulaaraluariarluni maanna ingerlalluaqaaq, allaat aatsaat taama pisaqartigisoqarluni.

Kilisaat Ssimiut Qeqertarsuatsiaata eqqaani bundgarnersorlutik aalisartunut tunitsivittut juulip ulluisa arfineq pingajuanni unissaaq, kilisaatip nalinginnaasumik aalisarfimmini ukioq manna pisassani aalisassammagit.

Allattoq: Inga Egede
Assit: RG

Asseq

 
 

Royal Greenland aperiguk

i
Write the text from the image