- Kilisaat Polar Aassik Polar Seafoodimit pigineqartoq aasap ingerlanerani ingerlaavartumik Narsami Royal Greenlandip tunisassiorfianut saarullinnik tunisissaaq, tamannalu pissutigalugu amerlanerusunik sulisoqalissaagut, Narsami tunisassiorfiup ingerlatsisua Niels Sakariassen oqarpoq.

Palar Aassik Narsami tunisereerpoq.

- Maajip 26-iani Polar Aassik saarullinnik 39 tonsinik tunisereepoq naatsorsuutigivarpullu sapaatip akunnerani 25-imi tuniseqqinnissaa. Tunisat 39 tonsit sulisutta ulluni sisamani ulloq unnuarlu sulillutik tunisassiaraat, taamaattumik ulapissimaqaagut. Tunisassianik annertuallaartunik sulisinnaassuseqannginnatta, taammattumik isumaqatigiissuteqarsimavugut tunisat 30 tonsit angullugit siunissami tugusinnnaassallutigik, Niels Sakariassen oqarpoq, nangilllunilu:

- Tunisat tunisassiarisinnaajumallugit tunisassiorfimmi sulisut amerlanerusut pisariaqartippavut. Naatsorsuutigaara sapaatip akunnerani 25-imiit inuit 15 –init paarlagaallutik sulisussat sulisorilissallutigik.

Saniutigut pisassat

Polar Seafoodip kilisaataataa Polar Aassiup maanna Narsami Royal Greenlandip tunisassiorfianut tunisisalernera Namminersornerullutik Oqartussat saarullinnik saniatigut pisassanik 3.000 tonsinik Narsaq Seafood-imut pisasseeqqinnaranik tunngaveqarpoq. Pisassat taakku sømilinik arfinillinniit avasinnerusumi aalisarneqartussat kujataani immikkullu Narsami suliffissanik pilersitsoqarnissaa siunertaralugu Narsaq Seafoodimut sanitigut pisassiissutigineqarput.

- Saarullinik tulaassinik annertuunik sulisinnaassuseqarnerput misilerarniarlugu decemberimi saarulliit katillugit 56 tons pingasoriarluni tulaassinerni tunisassiaraavut. Tulaassanik annertuunik killeqartunik sulisinnaasuseqarpugut, taamaattumik massakkut tulaassat 30 tonsikkaartut tunisassiarissavavut, Niels Sakariassen oqarpoq imalu aamma oqarluni:

- Suleqatigiinneq ingerlalluaqaaq, aamma Narsami innuttaasut amerlanerusut suliffeqalernissaat anguniarneqarnera eqqarsaatigalugu suleqatigiinnissamik isumaqatigiissut pitssalluinnartuuvoq.

Narsaq Seafood ukioq manna 1.000 tonsinik saarullinnik pisassaqareersoq katillugit saarulliit 4.000 tonsit aalisarsinnaajumallugit Royal Greenland, Polar Seafood aammalu Arctic Prime Fisheries suleqatiginissaanik isumaqatigiissuteqarfigai.

Aasap ingerlanerani aammalu pisassat aalisarneqarnerini Polar Seafoodip aalisariutai kujataani illoqarfinnut allanut aamma tunisisassapput.

Allattoq: Inga Egede, ineg@royalgreenland.com

Assit: Naja Hansen, Royal Greenland, Narsaq

Asseq

 
 

Royal Greenland aperiguk

i
Write the text from the image