- Tupallaatigaara sumi tamaani eqqagarpassuaqarmat. Taamaattumik aamma neriuutigaara tamatta tamani tamaani eqqaaneq unitsillugu eqqaavinnut eqqaaneq ilikkassagipput, Royal Greenlandimi pisortaq Jens K. Lyberth Royal Greenlandip allaffissuata eqqaani saliinermi peqataasoq oqarpoq.

Aaqqissussaaq CSR Greenland suleqatigalugu aaqqissuunneqartoq Katuami aallartinneqarpoq, tassani Nuup aqquserngini aammalu suliffeqarfiit eqqaani saliinermi peqataaniarlutik nalunaarsimasut Pinngortitamut Avaatngiisinut Inatsisinillu atuutsitsinermut Naalakkersuisoq Mala Høy –imit Kúko –mit tikilluaqquneqarput.

Saligaatsup aaqqissuussinerani peqataaniarlutik nalunaarsimasut Katuami katersuunnerup kingorna Nuup kusserngini aammalu suliffeqarfiit eqqaaanni plastikkinik aaqqaserlutik puussiarsuarnik tigummiarlutik saliineq ingerlappaat.

- Aaqqissussuussineq isumassarsiatsialaavoq aamma nuannaarutigaara suliffeqarfiit akiusussaassusermik tigusillutik ataatsimoorlutik illoqarfimmi saliineq ingerlammassuk, Jens K. Lyberth oqarpoq.

Saaffiginnittarfimmi sulisoq Paninnguaq Kristiansenip Royal Greenlandip sulisut Saligaatsumi peqataaneranni aaqqissuisuusup Royal Greenlandip allaffissuata eqqaa torersimmat iluarisimaarpaa, kisiannili ima oqarpoq:

- Saliineq ingerlalluarpoq, aamma suleqatit allatut peqatigalugit nuanneqaaq, kisiannili tullissaani pitsaanersumik aaqqissuussissaagut. Ullormi naammat eqqagassat oqimaatsut ataatsimoorluta katersavut uagut arnaannaalluta kivittariaqarsimagatsigit.

Allattoq: Inga Egede, ineg@royalgreenland.com

Assit: RG

Asseq

 
 

Royal Greenland aperiguk

i
Write the text from the image