- Iluatsitsillunga Royal Greenlandip kilisaataataani Akamalimmi suliffimmik misiliinissamik periarfissinneqarnima nassataaraa piffissaq eqqorlugu junimi masikinmestritut ilinniarnera naammassisinnaalerakku, Nukakkuluk Josefsen junip naanerani maskinmesteritut ilinniarnerminik naammassinnittussaasoq oqarpoq.

Maskinmersterisut ilinniagaqartut arlaqartut allat peqatigalugit Nukakkuluk Royal Greenlandip kilisaataataani suliffimmik misiliivoq.

- Ilinniarnima atuagarsornertaa Frederikshavnimi 2012-imili ingerlappara, qaammatilli marluk kingulliit Akamalimmi suliffimmik misiliivunga.

- Maanna kilisaammi sulineq misilittagaqarfigilerakku sulilu ilikkagassaqaqigama kilisaammi sulineq suli ilinniarfigerusuppara. Taammattumik aamma siunissami kilisaammi masikinmesteritut sulerusuppunga. Oqarfigineqarpungalumi aamma ilinniarnera naammassigukku Royal Greenlandip kilisaataataasa ilaanni sulilerusussaguma uannut matut ammasut, Nukakkuluk Josefsen oqarpoq.

Suliffimmik misiliiffissat pissarsiariuminaapput

Nukakkuluk Josefsen oqaluttuarpoq suliffimmik misiliinnginnermi ilinniarnermi fagit tamaasa angusiffisigisamnissaat piumasaqaataasoq, kisiannili suliffimmik misiliiffissat pissarsiariuminaatsuusut.

- Atuaqatigiiulluta 14-iuvugut. Atuaqatikka pingasut januar 2015 naatinnagu suliffimmik misiliiffissaminnik nassaanngitsooramik imaaratarsinnaavoq piffissaq eqqorlugu ilinniakkaminnik naammassinninngitsoortut. Taamaattumik uanga Akamalimmi suliffimmik misiliisinnaagama misigaanga iluatsitillunga.

Suliffeqarfiit ilinniarfiusinnaasunik Århusimi ussasaarineranni Royal Greenlandimi sulisut Nukakkuluup atassuteqarfigisimavai.

- Århusimi suliffeqarfiit ilinniarfiusinnaasut pillugit ussassaarisoqarnerani Royal Greenlandimi sulisut naammattoorpakka, taakku suliffimmik misiliiffiissannik ujartuininni ikiorpaannga.

Maanna Nukakkuluk Josefsen qaammatit marluk imaani suliffimmik misileereerluni junimi maskimesteritut bachelorinngornissaminut soraarummeerutissaminik suliaqartussanngorpoq.

Allttoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image