Tunisassiaq nersornaasigaasoq Royal Greenlandip ukiumi tulliuttumi ”Seafood Star”-ip ilisarnaataanik ilisarnaaserlugu tuniniarsinnaavaa avammullu nittarsaassinermi atorsinnaallugu.

Hamburgimi Fisch-Wirtschafts Gipfel-imik taaneqartartumik marsip aappaani pingajuanilu saqqummersitsisoqarnerani nersornaat tunniunneqarpoq. Tysklandimi aalisakkanik tunisassiortartut arlallit ulluni taakkunani marlunni katersuupput, tamatumanilu ataatsimiipput, ilisimasaminnik avitseqatigiipput tunisassianillu nutaanik saqqummiussipput.

Tunisassiat assigiinngitsut arfinillit Royal Greenlandip saqqummiuppai, taakkunani ilaapput raajat Kalaallit Nunaata imartaaneersut ramsløgimik mamarsaasikkat, qalerallit kissartumik pujuukkat suppillu. Oquutamilli Cordon Bleu-liaq nersornaasigaavoq. Royal Greenlandip tunisassiai aalisakkat tamussiussassat - fiskenuggetsit - ”Seafood Star”-imik 2013-imi aamma nersornaaserneqarput.

Tysklandimi tuniniaanermi pisortaq René Stahlhofen oqarpoq: ”Royal Greenlandimi suleqatitsinnut tamanut qujavugut, nersornaasiunneqartoq Tysklandimiinnaq piginngilarput – nersornaasiunneqartorlu suleqatigiinnerup inerneraa, taamaammat RG-mi suleqativut tamarmik qutsavigerusuppavut. Saqqummersitsineq Fisch –Wirtschafts Gipfel angisoorsuunngimmat tunisassiavut nutaat aamma suannik tunisassiavut nittarsaalluarsinnaasimavagut. Isertut qisuariaataasa takutippaat tunisassiatsinnik niueruteqarluartugut.”

Asseq

 
 

Royal Greenland aperiguk

i
Write the text from the image