- INUILI-mut qaaqqusat Narsamiullu Nutaaq*Cod-ip saqqummiunneqarnerani peqataasut tunisassiaq alutorsaatigaat, mamarilluinnarpaat aamma nerpigissuunera maluginiarpaat, taama oqarpoq Royal Greenlandimi Nunatsinni tuniniaavimmi tuniniaasoq Kaassannguaq Zeeb.

Novemberip ulluisa tallimaanni arfernganilu Narsami INUILI-mi iggarinneqqusaattoqarnerani Royal Greenlandip tunisassiai saqqummiukkiartorlugit aammalu INUILI –p suleqatigilernissanut isumaqatigiissuteqarfigiartorlugu Kaassannguaq Zeeb Narsami iggarinneqqusaattoqarnerani peqataavoq.

- Tunisassiaativut tamarmik tigulluarneqarput aamma Royal Greenlandip Nunatsinni tunisassiaanik ineriartortitsinermi INUILI suleqataarusuppoq, Kaassannguaq Zeeb oqarpoq.

Royal Greenlandip tunisassiaa nutaaq Nutaaq*Cod saarulliup nerpia immikuullarissoq Maniitsumi Royal Greenlandip tunisassiorfiani tunisassiarineqartoq maanna nunatsinni neriniartarfinnut suliffeqarfinnullu allanut igaffimmi nerisassianik suliaqartunut tuniniagaalereerpoq.


Allattoq: Inga Egede, ineg@royalgreenland.com

Assit: Kaassannguaq Zeeb

Asseq

 
 

Royal Greenland aperiguk

i
Write the text from the image