Kapisililinnik tunitsivinnut tunisisinnaaneq ammarneqarmat Royal Greenlandip tunitsiviini quersuarni qerinasuartitsivinni kapisillit ilivitsuutillugit quersuarni qerinasuartitsiviutigisuni inissaqartitsviusuni Qeqertarsuatsiaani, Nuummi, Atammimmi, Maniitsumi Kangaamiunilu kapisilinnik tunisineq ammarpaa.

Maannamut kapisiinnik tunisineq Qeqertarsuatsiaani ingerlalluartoq kapisilinnik tunitsviusunili allani tunisineq annikippoq.

- Oktoberip 11-iani kapisilinnik tunisineq maani ammarneqarneraniit kapisillit tonsi ataatsit maannamut tunineqarput, Qeqertarsuatsiaani tunitsvimmi tigooraasutut sulisoq Tobias Motzfeldt oqarpoq.

- Umiatsiaararsorlutik aalisartut pingasut kapisillit katillugit ullormut 300 kilut missingi tunisarpaat, taamaattumik kapisilinnik tunisineq maani ingerlalluarpoq, Tobias Motzfeldt oqarpoq. Taanna aamma oqaluttuarpoq kapisillit saleriarlugit masii peeriarlugit tattaajariarlugit ilivitsuutillugit qeritittaritik.

Annikitsunik tunisipput

Tunitsiviit kapisilinnik tunitsiviusut allat kapisilinnik annikitsuinnarnik tigooraapput.

Kapisillit tunitsivinnut tunisaalerneraniit Atammimmi kapisillit 22 kiilut tunineqarsimapput.

- Sapaatip akunnera kingulliup ingerlanerani aalisartoq ataasiinnaq kapisilinnik 22 kiilunik tunisivoq, Atammimmi tunisassiorfiup ingerlatsisua Erik Henriksen oqarpoq.

Kapisillit tunitsivinnut tunisaalerneraniit Maniitsumi aalisakkerivimmut maannamut kapisillit 120 kiilut tunineqarsimapput, Kangaamiunilu 256 kiilut tunineqarsimasut Nuummi suli tunisisoqarsimanngilaq.

Ukioq manna kapisilinniarneq aggustusip 15-iani aammrneqaneraniit kapisillit 45 tonsit pisassiisutigineqarput. Oktoberip qulingiluaat tikillugu sunngiffimmi aalisartut aammalu inuussutissarsiutigalugu aalisartut pisatik tunitsivinnut tinisinnaasimanngilaat. Oktoberip qulingiluaanni inuussutissarsiutigalugu aalisartut kapisilittatik tunitsivinnut tunisinnaalerpaat. Kapisilinnik tunisineq oktoberip 31-iata tungaanut imaluunniit pisassat pisarineqarnissaasa tungaanut tunisaapput.

Royal Greenlandip neriuutigaa kapisillit 15 tonsit ukioq manna tunisassiarisinnaassallugit.

- Kapisillit tunitsivinnut tunisaasinnaalernerisa kingusinaarunneqarnerata kingunerisaanik tunisat ikitsuinnaanerannut pissutaavoq, Royal Greenlandimi tunisassiorfinnik ingerlatsinermi ingerlatsisoq Møller Lyberth oqarpoq.

Allattoq: Inga Egede, ineg@royalgreenland.com

Assit: Tobias Motzfeldt

Asseq

 
 

Royal Greenland aperiguk

i
Write the text from the image