- Aatsaat taama tunisassiaqartigaagut. Siornatigut 300 tonsit missaannaanittut tunisassiarisarpagut, taamaammat angusarput naammagisimaarluarparput, Johanne Samuelsen nuannaartoq oqarpoq.

Taamaalilluni Ukkusissani ukioq manna 600 tonsit anguniakkatut siunniunneqarsimasut qaangerneqarput.

Atortorinnerulerneq

Qaleraleqarluarsimanera angusarissaarnermut pissutaalluarsimavoq, aammali tunitsivik aalisartullu atortorissaarnerulersimanerat angusarissaarnermi malunniuteqarsimapput.

- Ukiut marluk matuma siorna tunisassiorfitsinni qerinasuartitsivittaarpugut iluaqutigeqisatsinnik, aamma aalisartut aalisarnerminni atortorisaarnerulernikuupput. Angusarissaarnitsinni taakku peqqutaaqataalluinnarput, Johanne Samuelsen oqarpoq.

Ukkusissani innutaasut 200-t missaaniipput. Tunitsivimmi sulisut aqqaneq-marluk missaani sulisorineqarput.

Allattoq: Nathan Kreutzmann, nakr@royalgreenland.com

Assit: Johanne Samuelsen

Asseq

 
 

Royal Greenland aperiguk

i
Write the text from the image