- Ikiumi tuniniaaffiusumi 2014-15-imi kalaaliminernik tuniniaanitsigut 20 millioner koruunit anguagut,- aatsaat taamak tunisaqartigaagut, taama tulluusimaarluni oqarpoq Nunatsinni tunisassianik tuniniaavimmi tuniniaanermik ingerlatsisoq Malik Hegelund Olsen.

Aalisakkanik assigiinngitsunik tunisassiat 220 tonsinik annertussuseqartut ukiumi tuniniaaffiusumi otober 2014- miit september 2015 tikillugu Nunatsinni tunisassianik tuniniaaviup tunisimavai. Annertunerusumik qullukkat, mattaat aammalu saarulliit issimit panertitat tunineqarnerat ukiumi kingullermi annertuseriarsimasoq Malik Hegelund Olsenip oqaatigaa.

Tunisassiat amerlanerpaartaat nunatsinni pisiniarfinnit Pilersuisoq A/S-imut, Pisiffimmut aammalu Kalaallit Nunaanni Brugseninut tunineqarput. Københavnimi kalaaliminernik tuniniaavik Tranhuset aamma Danmarkimi Kalaallit Illuutaat aamma kalaaliminernik pisisartuupput.

Tunisineq annertusiartorpoq

Nunatsinni tunisassianik tuniniaavimmi tuniniaasartutut sulisut pingasut nunatsinni tunisassianik tuniniaaneq isumagisaraat. Taakku ilaat Ingo Hansen oqaluttuarpoq ukiuni kingulliunerusuni nunatsinni tunisassianik tuniniaaneq annertusiartuinnavissimasoq.

- Nunatsinni tunisassianik tunisineq ukiuni kingullerni annertusiartuinnavinnikuuvoq. Uanga 2008-mi Nunatsinni tunisasianik tuniniaavimmi tuniniaasutut sulilerama tunisassiat millioner koruunit tallimat missingisa nalinginut ukiumut kaaviiaartinneqartarput, Ingo Hansen oqaluttuarpoq. Taassuma suleqatinilu Kaassannguaq Zeeb ulluinnarni pisisartunut atassuteqartarlutik tuniniaasaarput.

- Pilersaarusiorluarneq, pisisartunut atassuteqarluarneq aammalu ukiuni pingasunik kingullerni tunisassiat akiisa appartinneqartarneri kalaaliminernik tunisinerup annertusineranut pissutaaqataapput, Ingo Hansen oqarpoq.

Suleqatigiillu annertuumik angusaqarusupput.

- 2019-imi nunatsinni tunisassianik tunisinitsigut 40 milloner koruunit nalingini palllillugit kaaviiaartitsinissarput anguniarparput. Tunisassiat ineriartortinneqarsinnaanerat neriunaateqarpoq, uagulluineriartortitsinnaaneq atorluarusupparput, Malik Hegelund Olsen oqarpoq.


Allattoq: Inga Egede, ineg@royalgreenland.com

Assit: John David Eriksen

Asseq

 
 

Royal Greenland aperiguk

i
Write the text from the image