- Suleqataavutit pikkorissoq- suleqatitut taavakkit ullumimiit immikkoortortatsinni assartugalerisutut atorfinitsikkatsigit. Tamanna pillugu pilluarit, taama ilaatigut oqarpoq Royal Greenlandimi assartugalerinermi immikoortortami aqutsisoq Ane Lynge, Taatsiaq Olsenip assartugalerisutut ilinnniakkaminik naammassinninneranut atatillugu Nuummi Royal Greenlandip katiinaani katerisimaartoqarnerani.

Oqiliallappoq

Taatsiaq Olsenip assartugalerisutut ilinniarnermini ukiuni marlunni ilinniarnerminut atatillugu Royal Greenlandimi assartugalerinermi immikkoortortami suliffimmik misiliisarluni ilinniarnimi atuagarsornertaa Aalborgimi Handelskolemi ingerlattarpaa.

- Ilinniarninnut atatillugu angalanerpassuit aqqusaartarsimagakkit ilinniarnerma ingerlarnga unammillernarsimaqaaq. Nuummiit Aalborgimut atuariartoqattaartarlunga angalasarsimavunga, kisiannili aamma sineriammi tunisassiorfinnut pikkorissaajartortarpunga. Taamaattumik maanna ilinniakkannik naammassinnillunga atorfininnera oqaliallaqaanga, Taatsiaq Olasen oqarpoq, nangipporlu:

- Royal Greenlandimi assartugalerinermi immikkoortortami suliffiga nuannarigakku ilaatigullu ulluinnarni suliakkiisutigineqartartut pikkoriffigillualersimagakkit maani sulinera ingerlatiinnarusuppara. Suliassat unammillernartut ilikkagassallu suliffimmi maani killeqanngimmata aamma suliatigut ineriartorfigisinnaagakkit suliffik ilinniarfigisara suliffiginnarniarlugu toqqarpara, Taatsiaq Olsen oqarpoq.

Allattoq assiliisorlu: Inga Egede, ineg@royalgreenland.com.

Asseq

 
 

Royal Greenland aperiguk

i
Write the text from the image