- Nakkutilliisut Sisimiunut nakkutiilliartornerat kinamiut nakkutilliisuisa Kalaallit Nunaanni suliffeqarfinnik avammut aalisakkanik niueruteqartunik takusaajumasimanerannik pissuteqarpoq. Royal Greenland aalisakkanik Kinamut avammut niueruteqarpoq, taamaattumillu suliffeqarfiit allat avammut niueruteqartut assigalugit avammut niueruteqarsinnaanermut akuerssummik peqartariaqarluni. Tassa tassunga atatilllugu nakkutilliisunik kinameersunik tikeraarneqarpugut, Royal Greenlandimi pitsassusilerinermi immikkoortortami ingerlatsisoq Dorthe Korsgaard oqarpoq.

Kinamiut nakkutilliisut Sisimiuni tikeraarneranni Danmarkimi Fødevarestyrelsemiit aallartitat, Danish Seaafoodimiit allaartitat, Kiinami Royal Greenlandip immikkoortortaqarfiani pisortaq aammalu Royal Greenlandimi pitsaassusilerinermi immikkoortortaqarfimmi ingerlatsisoq peqataapput.

- Danmarkimi Fødevarestyrelsemiit nakkutilliiartornermi peqataasoqarnera suliffeqarfinnik Kalaallit Nunaanersunik Kina sinnerlugu Fødevarestyrelse avammut niueruteqarsinnaanermut akuersissuteqartartuunerannik pissuteqarpoq, Dorthe Korsgaard nassuiaavoq, nangipporlu:

- Tassa Sisimiuni Royal Greenlandip tunisassiorfianut nakkutilliiartorneq suliffeqarfiit Kalaallit Nunaannersut avammut niueruteqarsinnaanermut akuersissummik peqartut Kinamut avammut niueruteqarsinnaanermut akuersissutaasa ingerlaannarsinnaaneranik aalajangiisuuvoq. Nakkutilliisut Sisimiuni tunisassiorfimmi nakkutilliineranni pitsangorsaataasinnaasut amerlanngitsut nalunaarsorneqarput, kisiannili Sisimiuni tunisassiorfik taamatullu aamma suliffeqarfiit Kalaallit Nunaaneersut avammut niueruteqarsinnaanermut akuersissuteqareersut Kinamut niueruteqarsinnaanermut akuersissutaat atuutiinnarsinnaanngorpoq, Dorthe Korsgaard oqarpoq.

Nakkutilliineq

Nakkutilliisut Sisimiuni Royal Greenlandip tunisassiorfiani nakkutillinerminni tunisassiorfimmi tunisivik, tunisat kissassusiat aammalu pitsassusiat misissorpaat. Pappiaqqanik aamma misissuipput taamatuttaaq Fødevarestyrelsep aallartitaasa nakkutilliinerat misissorlugu.

Royal Greenland paasitinneqareerpoq Sisimiuni Royal Greenlandip tunisassiorfia nakkutilliisuniit niuersinnaanermut akuersissummik tunineqanngippata taava nunatsinni suliffeqarfiit allat avammut niuersinnaanermut akuersissutaat atorunnaarsinneqassasoq. Kisiannili Sisimiuni Royal Greenlandip tunisassiorfiani aqutsisoqatgiit nakkutilliisut pulaarnissaat sioqqullugu piareesarluarsimammata nakkutilliineq pilersaarutit malillugit ingerlavoq.

- Nakkutilliinerup ingerlanneqarnera ajunngitsumik ingerlanissaa pingaaruteqartorujussuuvoq. Tunisassiorfimmili aqutsisui sulilluarsimammata suna tamarmi pilersaarutit malillugit ingerlavoq. Tunisassiorfimmi sulisut suleqatigiilluarnermik takutitsipput - aamma tikeraat Sisimiuniinnerminni nuannersumik misigisaqartinneqarnerat tunisassiorfimmi aqutsisoqatigiit sulilluarsimanerisa kinguneraa, taamatuttaaqi Kalaallit Nunaannut tikeraarneq naleqartinneqarluarluni, Dorthe Korsgaard oqarpoq.

Nakkutillisut kinameersut Sisimiuniinnerminni Sarfannguit ungasingisaani bundgarnersorluni aalisarnerup qanoq ingerlanneqartarneranik takusassarsiortinneqarput. Tassani tikeraat aalisarput inuunerminnilu siullerpaamik aalisakkanik pisarlutik.

Sisimiunut angalaneq iluatsilluartoq Danish Seafood Assotiationimit aaqqissuunneqarpoq.

Allattoq: Inga Egede, ineg@royalgreeland.com

Assit: RG Sisimiut

aste content here. Then press OK.

Asseq

 
 

Royal Greenland aperiguk

i
Write the text from the image