- Pisisartorput Kinameersoq tikeraarpoq tunisassioriaaserput takornarniarlugu. Tunisassiassat tunisassiarisartakkatta qaffasissumik pitsaassuseqarnerat pillugu naammagisimaarinnillunilu tupaallappoq. Ingammik Sarfannguani tunisassiassat qaffasissumik pitsaassusillit ajasoorutigai, Royal Greenlandimi tunisassiassalerinermi ingerlatsisoq Niels Wann Jensen oqarpoq.

Pisisartoq pingaarutilik

Suliffeqarfik nunarsuarmi tamarmi tunisassiornermik tuniniaanermillu aallutaqartoq Alimex Seafood A/S aalisakkanik qerinasuartillugit tunisassianik Europami igaffissuaqarfinnut niuertarfeqarfinnullu pilersuisuusarpoq aamma Royal Greenlandip Kinami pisisartuini pisinerpaasartut tulleraa.

- Pisisartutta tunisassioriaatitsinnik malinnaanera tunisassiatta pitsaalluinnartumik tunisassiarineqartarnerat qaffasissumillu pitsaassuseqarnerat pillugit qulakkeerinninneranik kinguneqarpoq. Pisisartup tunisassiat pitsaalluinnartumik tunisassiarineqartartut aamma aalaakkaasumik assigiiaartumillu pitsaassuseqartartut qulakkeerluinnaraangagu tunisassiat qaffasinnerusumik akeqartillugit piserusuttarpoq, Niels Wann oqarpoq nangillunilu:

- Pisisartutta tunisassiorfiutitsinni saarullinnik ilivitsunik qerinasuartitsilluta tunisassiortarnivut malinnaavigai, Maniitsumili saarullinnik Nutaaq-nik tunisassiornerput aamma malinnaavigaa. Pisisartutta "saarullinnik tunisassiat Nutaaq-nik taaneqartartut – Maniitsumilu pitsaalluinnartumik ajasoornartumillu tunisassioriaaseqarluni tunisassiarineqartartut" tupinnartutut nalilermagit nalunanngitsumik taakkununnga aamma soqutiginnippoq. Taamaattumik Nutaaq-nik aamma pisisartunngornissaa neriuutigaarput, Niels Wann oqarpoq.

Saarulliit 15.042 tons Royal Greenlandip sineriammi tunisassiorfiinut 2014-15-imi tunineqarput. 2013-14-imi tunineqartunut sanilliullugit 30 procentit missaani annertunerupput.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image