Taama oqarpoq Sverige-minngaaneersoq 24-inik ukiulik Lovisa Lund.

Lovisa Lund juulip qitequnneranili Nunani Avannarlerneersut sisamat allat peqatigalugit Ilulissani Royal Greenlandip raajanik tunisassiorfiani sulivoq. Inuusuttut Norjobb aqqutigalugu sulisut ilaat septeberi tikillugu raajanik tunisassiorfimmi sulissapput.

- Ilulissani Royal Greenlandip raajanik tunisassiorfiani sulinera ingeniøritut ilinniakkannut attuumassuteqartorujussuuvoq aamma tunisassiorfimmi suleqatigiilluni aammalu kalaallinik suleqateqarnera pissutigalugu sulinera pissanganaqaaq, Lovisa Lund oqarpoq.

Aallaqqaammut Lovis Lund Norjobbeqatinilu sisamat Halibut Greenlandip Ilulissani tunisassiorfiani sulisussaagaluarput, kisiannili tassani Nordjobb aqqutigalugui sulisut amerlavallaarmata Royal Greenlandip raajanik tunisassiorfiani sulilerput.

- Sulisunik Norjobbimeersut amerlavallaartut sulisorineqarmata Halibut Greenland uagutsinnut saaffiginnipput, Ilulissani royal Greenlandip ingerlatsisua Jensigne Schmidt oqaluttuarpoq, nangipporlu:

- Raajanik tunisassiorfimmi ullormut sulisut arfineq pingasut qulillu akornanni amigaatigisaratsigit inuusuttut taakku sulisorisinnaagatsigit qujamasuutigeqaarput. Tunisassiorfimmi ulapaaleruttornitsinni inuusuttut sulisorilluaqaavut.

Alutornarluinnartoq

Lovisa Lund USA-mi Washingtonimi ingeniøritut ilinniagaqartoq siornatigut Norjobb aqqutigalugu Findlandimi sulisimavoq. Kalaallit Nunaanni aalisakkerivimmi sulisinnaanermik neqeroorfigitikkami atorluarusussimavaa.

- Kalaallit Nunaat pissanganarluinnartuuvoq, taamaattumik aalisakkerivimmi sulinissannik neqerorfigitikkama akuersivunga. Raajanik tunisassiorfimmi sulinera ilinnigarisannut attuumassuteqartorujussuuvoq. Tunisassiorfimmi tunisassiornerup ingerlanera pissnganareqaara aamma raajanik poortuivimmi sulinera nuannareqaara, Lovisa Lund aamma Kalaallit Nunaani pinngortitamik inooriaatsimillu alutorsaqisoq oqarpoq.

- Kalaallit Nunanni pinngortitaq, inooriaaseq inuillu allalluinnarmata maaniinnera pissanganarluinnartuutippara. Ukioq ataaseq affarlu qaangiuppata ingeniøritut ilinnirnera naammsiigukku Kalaallit Nunaanni sulisinnaanissara soqutigigakku kalaallisut ilinniarpunga, Lovisa Lund oqarpoq.

Norjobb aqqqutigalugu inuusuttut sulisut 20-it missingi sineriammi Royal Greenlandip tunisassiorfiini sulisorineqarput.

Allattoq: Inga Egede, ineg@royalgreenland.com

Assit: RG Ilulissat

Asseq

 
 

Royal Greenland aperiguk

i
Write the text from the image