Nikoline Ziemer Royal Greenlandimi tunisassiassanik inerisaanerni ingerlatsisutut atorfeqartoq Sisimiuni Royal Greenlandip tunisassiorfiani ingerlatsisoq Hans Lars Olsen peqatigalugu Royal Greenlandip sulisuisa akornanni ACR-mi peqataasussatut qinnuteqarlutik ACR-imi peqataapput.

Sisoraatinik ujakkaarluni arpanneq 160 kilumiiterinik isorartussusilik 20-issaa apriilip ulluisa aallaqqaataaniit pingajuat ilangullugu Sisimiuni ingerlanneqarpoq. Sisorarluni arpannermi inuit 220-it sinnerlugit peqataaffigisaat nunanit tamalaaneersunit peqataaffigineqarpoq.

Kaammattorneqarpoq

ACR-mi ujakkaarluni arpannissaq sioqqullugu Nikoline Ziemer aamma Hans Lars Olsen ujakkaarluni sisorartartumit Martin Møllerimit ACR-imi peqataanissaminnut sungiusarneminni siunnersorneqarput. Martin Møller Royal Greenlandimit aningaasaliiffigineqarpoq.

Ujakkaarluni arpaffik ulloq siulleq 56,6 kilumiiterinik isorartussusilik Nikoline Ziemerip akunnerit qulingiluat minutsillu 23-it sikundtillu 36-it atorpai. Nikoline oqarpoq arpaffik sakkortoqisoq ilaatigut qiiasimanini pissutigalugu. Taamaattumik ujakkaarluni arpannermi isorartussuseq naannerusoq 100 kilumiiterinik isorartussuseqartoq naammassiniaannarniarlugu aalajangersimavoq.

- Kisianni Martin Møllerip arpaqatigisamalu isorartussuseq takisooq arpaqqullugu kaammattorpaannga. Qiianngivillunga qasuerlunga sinereerlunga ulloq arpaffiusussap aappaannut piareerluinnaqqallunga iterpunga. Ullup aappassaani arpannermi ingerlaarfik oqinneroqaaq silalu alianaalluinarluni. Ingerlaarninni eqqarsaatit nuannersut ilaatigut ilaquttakkalu misigisartakkavut eqqarsaatigaakka. Ingerlaarninni aamma suliannut atatillugu Irlandimi aqaguagu saqqummiussinissara eqqarsaatikkut piareersarfigaara, Nikoline Ziemer oqaluttuarpoq.

Nikoline Ziemer oqaluttuarpoq ujakkaarluni arpannissaarsuaq sioqqullugu sungiusarnissamut siunnersuutit Martin Møllerip siunnersuutigisai ACR-mi ujakkaarluni arpannermi naammassinninnerminut aalajangiisuusut.

Nikoline Ziemerip ACR-imi ujakkaarluni arpannermini katillugitakunnerit 26-it minutsit qulit sikundtillu 17-it atorpai. Hans Lars Olseni ACR-imi misilittagaqarluartup akunnerit aqqaneq marluk minutsit 47-it aammalu sikundit 44-it atorai Martin Møllerip akunnerit qulingiluat minutsit 54-it aammalu sikundit 38-it atorlugit ACR-imi ajugaavoq.

Allattoq: Inga Egede, ineg@royalgreenland.com

Assit: Nikoline Ziemer

Asseq

 
 

Royal Greenland aperiguk

i
Write the text from the image