Upernavimmi Royal Greenlandip tunisassiorfianut tunisat ukiut siuliinut naleqqiullugu annertunerupput mannalu Upernavimmi nunaqarfinnilu Aappilattumi Upernavik Kujallermilu quersuarni qerititsisviutigisuni uningasuutit qanittukkut ilanngarneqarmata quersuarni qeritisiviutigisuni inissaqartitsiunnaarneq pissutigalugu sumiiffnni taakkunani ukioq manna tunisineq unitsinneqassanngilaq.

Ukioq immikkooruteqarpoq

- Upernavimmi nunaqarfinnilu Aappilattumi Upernavimmilu Kujallermi nalinginnaanngitsumik imaroqqanera pissutigalugu ingammik Upernavimmi aalisariutit sisamat ukiut siuliinut naleqqiullugu annertunerujussuarmik tunisipput. Quersuarni qerititsiviutigisuni uningasuutigineqartut annertuut Royal Arctic Linep assartuutaata Pajuttaatip qanittukkut assartormagit sumiiffinni pineqartuni ukioq manna inissaqartitsiunnaarneq pissutigalugu tunisineq unitsinneqassanngilaq, taama oqarpoq Upernavimmi pigisaanilu Royal Greenlandip tunisassiorfiini tunisassiornermi ingerlatsisoq Harald Kleemann.

- Aalisartut aalisariutinik aalisartut aammalu umiatsiaararsortut ukiup taamaalinerani aalisarsinnaanerat immikkooruteqarpoq aamma aatsaat taama pisoqarpoq. Aalisariutit sisamat umiatsiaarsorlutillu aalisartut 15-it missingi februarimiit marsip 23-iat tikillugu qalarallit 180 tonsit misinginik annertussuseqartut Upernavimmi Royal Greenlandip tunisassiorfianuit tunivaat. Ukiut siuliini sikumi aalisartarnermut naleqqiullugu ukioq manna pisarineqartut annertunerullutillu sukkanerujussarmik aalisarneqarput, ingammik aalisariutit qassusersorlutik aalisartut eqqarsaatigalugit, Harald Kleemann oqaluttuarpoq.

Pujuttaat tulappoq

Quersuarmi qeritsitsviutigisumi inissaqartitsiunnaarneq pissutigalugu marsip 23-iani Upernavimmi tunisineq unikkaluarpoq, kisiannili Pajuttaat apriilip aappaani aammalu arfineq pingajuani tulammat qalerallit 180 tonsit missingi assartorneqarmata tunisineq ammaqqippoq.

- Upernavik Kujallermi tunisineq marsip 20-iani matugaluarpoq, kisianni 45 tonsit missingi apriilip arfineq pingajuani assartorneqarmata tunisineq apriilip 13-iani ammaqqissaaq, Harald Kleemann oqarpoq.

Quersuarni inissaarunneq pissutigalugu Aappilattuni marsip ingerlanerani aasakkut sikuernissaa tikillugu tunisassiorfimmut tunisissinnaanerup unitsinneqartarnera nalinginnaavoq, ukioq mannali umiatsiaararsorlutik aalisartut 30-it missingi tunisisinnaanerat unissanngilaq.

- Ukioq manna Aappilattuni quersuup ulikkaannginnera annerusumik silamik pissuteqarpoq. Aappilattuni tunisassiorfimmut tunisineq ukioq manna unitsinneqarnavianngilaq ungasinngitsukkut quersuarmi uningasuutit assartorneqarmata, Harald Kleemann oqarpoq.

Upernavimmi Royal Greenlandip tunitsiviani quersuarmi qerititsiviutigisumi 200 tonsit uninngasuutigineqarsinnaapput, Aappilattuni 130 tonsit uningasuutigineqarsinnaasut Upernavik Kujallermi 90 tonsit quersuarni qerititsiviutigisumi uningasuutigineqarsinnaapput.

Allattoq: Inga Egede, ineg@royalgreenland.com

Assit: Harald Kleemann, RG

Asseq

 
 

Royal Greenland aperiguk

i
Write the text from the image