Bent Jørgen Brøndlund Nuummi aalisartut Royal Greenlandimi tunisassiorfiani sulisunit juullimi puunnattaassamik pajunneqartut ilagaat.

Aalisartut Royal Greenlandimut tunisisartut tamarmik aamma nunatsinni nunaqarfinni illoqarfinnilu Royal Greenlandip tunisassiorfiini sulisut tamarmik katillugit inuit 3666-it juullimi puunnattaassanik ullunimi makkunani pajuttorneqaleruttorput.

- Ukioq manna nuliaralu kisimiilluta juullisiortussaavugut meeqqavut Sisimiuni juullisiussammata. Maannali ikinngutitsinnik jullikkunni nereqatissatsinnik qaaqqusisiariaqassaagut, qujanarujussuaq, Bent Jørgen Brøndlund oqarpoq.

Aalisartut Royal Greenlandimut tunisisartut aamma Royal Greenlandimi sulisunut juullimi puunnattaassanik nerisassanik juullisunnitsunik imaqartunik pajuttuisarneq ileqquuvoq ukiuni tallimani kingullerni atuuttoq.

Nuummi aalisartoq Lars Brian Heilmann juullimi puunnattaassamik angerlarsimaffimiut aamma pajutsippoq.

- Juullimi puunnattaanik Royal Greenlanip paujuuisarnera ileqqoq nuannersoq. Uagut ukiut pingajussaa pajutsippugut. Ukiut siuliini pajugutisisarnerput nuannaarutigisaqaarput aamma ukioq manna pajunneqarnerput nuanneqaaq, Lars Brian Heilmann oqarpoq.

Juullimi puunnattaat jullisunnitsinik makkuninnga imaqarpoq: Qeerlutooq ataaseq, puulukimineq siatassaq, rødkålit, mandelit, suaasat qaqortut, piskefløde, kirsebærsause, kaffit aamma mamakujuttut poortat arlaqartut.

Allattoq: Inga Egede, ineg@royalgreenland.com

Assit: John David Eriksen

Asseq

 
 

Royal Greenland aperiguk

i
Write the text from the image