Ilulissani Royal Greenlandimi suleqatitsialammik toqqaaneq arfininnngormat decembaril 17-iani tunisassiorfimmi sulisut ilaqutaasullu juullerpalaartumik ataatsimuualaartinneqarneranni pivoq.

Kaspaaraq Nathanielsen tunisassiorfiup raajaleriviani tunitsivimmi sulisuusoq tunisassiorfiup aqutsissuinit suleqatitsialattut toqqagaavoq.

- Kaspaaraq Nathanielsen suleqatitsialattut toqqarparput tunisassiorfimmi suliassanut tamanut akunnattoorfeqarani sulisisarnera aamma suliffimminut ataqqinnittuunera pillugu, Ilulissani Royal Greenlandip tunisassiorfiani ingerlatsisoq Jensigne Schmidt oqarpoq.

Tatiginninneq

- Suleqatitsialattut toqqaanermi atera taaneqarmat tupappunga, ilami quarsaarpungaluunniit. Taamatummi toqqagaanissara naatsorsuutigisimanngikkaluarpara. Suliffinniit tatigineqarnera uanga aamma suliffeqarfimmut tatiginninnerulerninnik pilersitsiinnarani aamma sulinerrmut kajuminnerulersitsivoq , Kaspaara Nathanielsen, ilaquttanilu 2009-mi Kangaatsiamiit Ilulissanut nuukkamillli Royal Greenlandip tunisassiorfiani sulisuusoq oqarpoq.

Ilulissani Royal Greelandip tunisassiorfiani juullerpalaartumik ataatsimuualaartoqarnerani Kaspaaraq Nathanielsen sulisutsialaanera pillugu kisimi nalliuttorsiutigineqanngilaq, aammami tunisassiorfiup aqutsisuisa Hans Aron Løvstrøm tunisassiorfimmi sulilluarnera pillugu kajumissaaserpaat.

- Hans Aron Løvstrøm tunisassiorfimmi suleqatiminut sunniuteqarluartuunera pillugu kajumissaaserparput. Hans Aron Løvstrøm pitsaassutsimik suliffimmik pingaartitsisuuvoq sulisunullu nutaanut pitsaassuseq pingaartillugu ilinniartitsilluartuulluni suleqatiminullu qiimmassaataalluartarluni, Jensigne Schmidt oqarpoq.

Kaspaaraq Nathanielsen aamma Hans Aron Løvstrøm Ilulissani Royal Greenlandip tunisassiorfiani sulilluarnertik pillugu nersorniarneqarnerminni koorimik juullisunnitsunik imalimmik, gavekortimik aammalu allagartamik nersornaatisiassaannik tunineqarput.

Allattoq: Inga Egede, ineg@royalgreenland.com

Assit: Jensigne Schmidt

Asseq

 
 

Royal Greenland aperiguk

i
Write the text from the image