- Pitsaassusilerinermi naliliisarneq pillugu suleriaatsillu misilittakkat pillugit avitseqatigiinnissaq siunertaralugu Royal Greenlandip tunisassiorfiini pitsaassusilerinermi aqutsisut ukiumut arlaleriarlugit katersuutsittarpagut, Royal Greenlandimi pitsaassusilerinermi immikkoortortami ingerlatsisoq Dorthe Drejer Korsgaard oqarpoq.

Suliffeqarfiit avammut tunisisinnaanermut akuersissuteqartut nammineq nakkutilliisussaatitaanermik inatsisitigut pisussaaffeqarput. Royal Greenlandip tunisassiorfiini tunisassianik misissugassanik misissuisarnermi assigimmik suleriuseqartoqarnera qulakkeerniarlugu pitsaassusilerinermi aqutsisut nakkutilliinerminni misilittakkaminnik aammalu qanoq sulieriuseqarnertik pillugu avitseqatigiitinneqarput. Pitsaassusilerinermi aqutsisut nammineq misissuinermi najoqqutassaq malillugu tunisassiorfimmi suliffigisaminni misissuinermut atatillugu suliarisartakkatik ataatsimiinnerup aallartinnerani nassuiarlugit allattorpaat.

- Ataatsimiinnermi nammineq nakkutilliinermi immikkoortut assigiinngitsut sammineqarput, tassa Royal Greenlandip tunisassiorfiini i tunisassiornermi inatsisitigut piumasaqaatit, pisisartut piumasaat aammalu pitsaassusilerinermi qulakkeerinninneq tunisassiorfinni ataasikaani qanoq suleriuseqartoqarnersoq sammineqarpoq. Taamatuuttaaq tunisassiat pisisartunut assigiinngitsunut assigiinngitsunillu piumasaqaateqartartunut tunisassatta pitsaassusaannik qulakkeerinninnermi suleriaatsivut eqqartorpavut. Aamma tunisassiat pisiarineqarneraniit tunisaanissaannut paasissutissat, tassa nioqqutissiaativut tunisassiassamiit tunisassiamut aammalu tunisassiamiit tunisassiasamut paasissutissat pisisartutta nioqqutissiat pisarineriniit pisisartunut apuunneqarnerinut paasissutissanut tunngasut ataatsimiinnermi sammineqarput, Dorthe Drejer Korsgaard oqarpoq.

Nukiit nutaat

Qasigiannguani Royal Greenlandip tunisassiorfiani pitsaassusilerinermi aqutsisoq bioanalytikeritut ilinniagaqarsimasuusoq Elisabeth Nathanielsen oqarpoq ataatsimiinnermi peqataanermini ulluinnarni suliat unammillernartut suliarinissaannut nukissanik nutaanik katersisimalluni.

- Ulluinnarni sulinitsinni suliassat unammillernartut, inuussutissalerinermi maleruagassat aammalu pisisartut piumasaat malillugit tunisassiornissaq tunisassiallu qaffasissumik pitsaassuseqarnissaat aamma peqqinnartuunissaat qulakkeerinnilluta sulinitsinni misilittakkavut pillugit ataatsimiinnermi avitseqatigiilluta oqaloqatigiissutigisinnaagatsigit iluarisimaarpara, Elisabeth Nathanielsen oqarpoq.

Allattoq: Inga Egede, ineg@royalgreenland.com

Foto: John David Eriksen

Asseq

 
 

Royal Greenland aperiguk

i
Write the text from the image