Qeqertarsuarmi tunisassiorfimmi decemberip 17-iani ammoniakimik aniasoortoqareernerata kingunitsianngua nioqqutissiat ineriikkat tonsit qulit aamma 115 kiilut taakkunannga saattuat tonsi ataaseq aamma 678 kiilut kasiilerneqarput. Ukiortaap kingorna saattuat tonsit sisamat aamma 377 kiilut aamma iginneqartariaqarsimapput. Taamaasilluni Qeqertarsuarmi tunisassiorfimmi ammonikiamik aniasoortoqarnerata kingunerisaanik igitsisoqaqqinneratigut nioqqutissiat ineriikkat katillugit 14, 5 tonsit iginneqarput.

- Nioqqutissiat ineriikkat ajutoorfimmiit ungasinnerusumi inissinneqarnikuusut misissorpavut. Paasivarput saattuat tassani inissinneqarnikuusut ammoniakimik aniasoornermit ajoquserneqarsimasut aalisakkalli ajoquserneqarsimanngitsut. Tassa ajoraluartumik suli saattuat tonsit sisamat aamma 377 kiilut igittariaqarsimavavut, Qeqertarsuarmi Royal Greenlandip tunisassiorfiani tunisassiornermi ingerlatsisoq Karl Julius Broberg oqarpoq.

Qerinasuartitsiviup sigginneratigut ammoniakimik aniasoornerup kingorna aserortoq suliarineqareerpoq aamma qerinasuartitsiviup atornerani suleriaatsit allanngortinneqarput.

Saattuat kasiilikkat suli tunisassiorfimmi qerinasuartitsivimmiipput, kisiannili siuliini iginneqartut assigalugit asorterneqarlutik iginneqassapput.

Allattoq: Inga Egede, ineg@royalgreenland.com

Foto: RG

Asseq

 
 

Royal Greenland aperiguk

i
Write the text from the image