Inuit 400-iniit amerlanerusut Royal Greenlandip tunisassiorfianut iserput. Tassani raajanik qalipaajaallaqqinniunneq aammalu aalisakkanik tisallaqqinniunneq ukioq manna siornatuulli nuannarineqalaavissorpoq.

- Siornarniit inuit ikinnerulaartut isertorigaluarlutigik , taamaattoq unnuk iluatsilluartutut nalilerusuppara. Raajanik qalipaajaallaqqinniulluni aammalu aalisakkanik tisallaqqinniulluni unammisitsinerit ukioq manna aammaarlutik nuannarineqarluinnarput, taamaattumik siunissami Unnuk Kulturisiortitsisarnissatsinni unammisitsinerit taakku ilaasassapput, Nuumi Royal Greenlandip tunisassiorfiani ingerlatsisoq Theo Didriksen oqarpoq, nangipporlu:

- Aamma sassaalliutigisavut aalisakkat panertut, qalerallit quat soyalerlugit aammalu nipisat suaat illinnarsakkat piumaneqarluinarput.

Mikinernut aliikkusersuipput

Tunisassiorfiup ungasinngisaani aqqusinnikkut ingerlaqqilaaraanni Royal Greenlandip allaffeqarfiani Qasapi 4-mi mikisut angisuullu Nunatta Isiginnaartitsisarfiani isiginnaartitsisartuinit pikkorilluinnartunit aliikkusersorneqarput "Karius aamma Baktusi" isiginnaartitsissutigineqarmat. Ingammik isersimasut mikinerit nuannareqisaannik taakku "inupiluaqqat" marluk isiginnaartuaqqat isaat ammalortuinnanngorlugit sulisut kantiinaani alikkusersorpaat.

Royal Greenlandip allaffeqarfianut isertut ilaatigut kilisaatini sulisarneq pillugu isiginnaagassaqartinneqarput, taamatuttaaq Royal Greenlandip imaani nunamilu suliffeqarfiutaani ilinniarfiusinnaasut pillugit paasisaqarnissamut periarfissinneqarput.

Royal Greenlandip allaffeqarfianut isertut illup igasuinit illinnasaarlugit aalisakkat assigiinngitsorpassuit sassaalliutigineqartut ooqattaarsinnaavaat.

Royal Greenlandimi Unnuk Kulturisiortitsisoqarnerani unammisitsinerit arlaqartut ingerlanneqartut nuannarineqarluinnarput. Unammisitsinerni eqquisut makinneqareerput, taakkulu eqqukkatik tassaasut Royal Greenlandip tunisassiarisai assigiinngitsut sumut aasinnaanerlugit oqaraasuaatikkut paasitinneqareerput.

Allatooq: Inga Egede, ineg@royalgreenland.com

Assit : Elias Didriksen aamma John David Eriksen

Asseq

 
 

Royal Greenland aperiguk

i
Write the text from the image