Albrecht Poulsen umiarsuaatileqatigiiffiup umiarsuaataani aalisartutut 1971-imi aggustip 1-ani sulilerpoq. Umiarsuataasut taamani KGH-p ataani inissisimapput.

Ulloq nalliussiniarlugu Albrecht kilisaammi Sisimiut-ni Nuummi talissimasumi ullumikkut kaffilliutigineqarpoq. Albrecht Maniitsuliarluni ullup qeqqanut aallartussammat kaffillerneq ullaap tungaani qulinut aallartippoq.

Albrecht Maniitsormiuusoq umiartortunngoqqaarami kilisaat Maniitsoq, Maniitsup eqqaani angalasoq ikeqqaarfigaa. Ukiut marluk qaangiummata umiarsuaq nutaaq Carl Egede aamma Maniitsup eqqaani angalasoq ikiffigaa. Umiarsuaq Carl Egede Svendborgimi ikuallammat Albrecht Erik Egedemut ikivoq, kingornalu kilisaat nutaaq Sisimiut nuuffigigamiuk ukiuni 20-ni aalisartuuffigaa.

Kilisaammi aquttoq Pauli Olsen Albrechtip ukiuni 20-ni suleqatigisimasaa nalliuttorsiortumut oqalugiarpoq ilaatigullu umiarsuarni ukiuni 45-ni sulinermigut Kalaallit Nunaannik sullissilluarsimaneranut qutsavigaa.

Allattoq: Káte Hansen, kaha@royalgreenland.com

Assit: John David Eriksen

Asseq

 
 

Royal Greenland aperiguk

i
Write the text from the image