- Aallaarnermi siullermi majip 18-ianiit junip qulingiluaata tungaanut pisumi tinguttuunik pisaqarpallaanngilagut; kisiannili aalisakkanik assiginngitsunik soorlu suluppaakkanik, qaleralinnik, nataarnanik, imminnguanik aammalu annertuallanngikkaluanik tinguttuunik pisaqarpugut. Junip aallaqqaataata kingorna aatsaat saarullinniarsinnaatigaatatta naggataatigut aamma saarullinnik pisaqalaarpugut, Masiliup naalagaa Hans Peter samuelsen oqarpoq.

Umiarsuup naalagaa oqarpoq tuliannermi siullermi umiarsuarmi atortorissaarutit naleqqussarneqartariaqarsimammmata Islandimi tulaqqanerminni Tunullu imartaani aalisariaqinnginnerminni atortorissaarutinik nutaanik ikkussuisoqarsimasoq.

Naleqqussarneq

- Maannakkorpiaq tinguttuunik aalisarneq ingerlalluarneruvoq aamma ingerlalluannarnissaanik isumalluarpunga. Ningittagarsorluni aalisarneq kilisalluni aalisanermiit allaanerujussuummat inuttat ningittagarsorluni aalisarnermut naleqqussaqqaartariaqarput, kisiannili siunissami ningitagarsorluni aalisarnerup ingerlallualeraluttuinnarnissaanik neriuuteqarluarpunga, umiarsuup nalagaa savalimmiormiut ningittagarsuutaanni ukiuni 20-ini misilittagaqartoq oqarpoq.

- Masilik umiarsuaq kusarnarlunilu pitsaalluinnartuuvoq, taamaattumik aalisarfinni annertuuni aalisarfigalugu pissanganarluinnarpoq. Aamma Kalaallit Nunaanaata oqaluttuarisaanerani nutaajunerusumi ningittagarsuutit nutaajunersaanni aalisarnissaq pissanganaqaaq, Hans Peter Samuelsen oqarpoq.

Masilik Islandimut tulaassisarluni saarullinnik tinguttuunillu pisassiissutigineqartut nungunissaasa tungaanut Tunup imartaani aalisarnini ingerlatiinnassavaa. Nutatta Kitaata imartaani annertunngikkaluartunik sarullinnik pisassinneqarnikuugami Masilik Kitaani aalisaleruni Royal Greenlandip tunisassiorfiinut tunisisartusssaavoq.

Masilik Ice Trawl Greenland A/S –imit pigineqartoq 50 miiterinik takissuseqarpoq miiterinillu aqqanilinnik silissuseqarluni. 19-inik inuttaqarpoq, taakkuannanga inuttat 13-it Kalaallit Nunaaneersuupput. Ice Trawl A/S 50 procentimik Royal Greenlandimit pigineqarpoq.

Allattoq: Inga Egede, ineg@royalgreenland.com

Asseq: Andreas Tidemand

Asseq

 
 

Royal Greenland aperiguk

i
Write the text from the image