Nuuk seqinnarissuugaa inuit aaqqatilerlutik puussiarsuarnik tigummiartut ualigaa Nuup aqquserngini eqqagassanik katersisut takussaapput.

Suliffeqarfiit assigiinngitsut illoqarfiup ilaani saliiffissaannik suliassinneqarput - Royal Greenlandimilu sulisut Naluttarfik Maliup eqqaani saliipput.

Ataatsimoorluarneq

- Naluttarfiup Maliup eqqaani eqqagassarpassuit katersorpagut. Maajunnalaaraluarpormi, kisianni suleqatikkalu ataatsimoornerput nuanningaarmat aliikkusersuutingaarattalu ualersuaq nuannisaqaanga. Naak angivallaarujussuartumik aaqanngitsumik atisaqaraluarlunga ipertoqisunillu aaqqassuaqaraluarlunga kussinermi eqqagassanik katersigaluarlunga nuannisaqaanga, 21-inik ukiulik Aviaaja Petersen Royal Greenlandip saaffiginnittarfiani sulileqqammisoq oqarpoq.

Naluttarfik Maliup eqqaani pinnguartarfimmi, sissami aammalu angallatit inissiivianni Royal Greenlandimi sulisut eqqagassarpassuarnik katersaqarput.

- Naak akunnerit arlaqartut punngalluta eqqagassanik katersigaluarluta suleqatikka allatut ataatsimooqatineri nuanningaarmat eqqakkanik katersinera eqqarsaatigingaanngilara. Uannummi periarfissatsialaavoq suleqatitaakka ulluinnarni oqaluuttanngisakka oqaluuterujuujutigalugit eqqagassanik katersineq, Aviaaja Petersen oqarpoq nangipporlu:

- Siullermeerlunga upernarnerani illoqarfimmi saleeqataavunga. Saligaatsup aaqqissussuusinera assut iluarisimaarnarmat siunissami illoqarfimmi saliisanerni peqataasarniarpunga.


Allattoq: Inga Egede, ineg@royalgreenland.com

Assit : John David Eriksen

Asseq

 
 

Royal Greenland aperiguk

i
Write the text from the image