Navigatiomi ukioq manna siullermeerluni saqqummersumi qalerallip tunisassiarineqarnerani suliassaqarfiit pingaarenerit allaaserineqarput, tassalu tunisineq, tunisasiorneq, avammut ussassaarineq aamma tuniniaaneq.

Nunatta avammut tunisassiaanik piumaneqarluartumik Royal Greenlandip qanoq tunisassiortarnera pillugu aamma tunisassiap mamartup qanoq nunarsuarmi avammut ussassaarutigineqartarnera pillugu qanorlu tuniniarneqartarnera pillugu atuarit.

Ilaatigut aamma Ilulissani aalisartup Søren Jørgensenip qaleralinniarluni Ilulissat avataani sikorasaartumi aalisartarnera, Qasigiannguani Royal Greenlandip tunisassiorfiani sulisut tunisassiaq europamiut kangiamiullu piumasarisaat naapertorlugu tunisassiortarnerat, aammalu pisisartut taakku tunisassiaq qanoq piumaneraat pillugit qaleralilu pillugu allaaserisat allat Navigatiomi atuarneqarsinnaapput.

Atuagassiaq oqaatsit tallimat atorlugit naqitertinneqartarpoq, tassa kalaallisut, danskisut, tuluttut, tyskisut aamma polenimiutut.

Atuagassiaq aammattaaq nittartakkatigut oqaatsit tamakkerlugit atuarneqarsinnaavoq uani:

http://www.royalgreenland.gl/kl/Immikkoortortat/Attaveqatigiinneq/Attaveqatigiinnermut-immikkoortortaq/Navigatio

Atuagassiaq ukiumut pingasoriarlugu saqqummersinneqartartoq uani piniarneqarsinnaavoq: Royal Greenland, Postboks 1120, Qasapi 4, 3900 Nuuk, telefon +299 36 13 00, royalgreenland@royalgreenland.com

Allattoq: Inga Egede, ineg@royalgreenland.com

Asseq

 
 

Royal Greenland aperiguk

i
Write the text from the image