- Februaarimiit maannamut qalerallit tonsit 30-it 40-illu akornanni annertussusillit tunineqareerput, siorna taamaalinerani tonsit qulit tunineqartut. Taamaattumik siornatigut suannik tunisinerup nalaani aalisakkanik tunisineq unittaraluartoq upernaaq manna qaleralinnik saarullinnillu tunisineq suannik tunisinerup nalaani ingerlaannassaaq, Qeqertarsuarmi Royal Greenlandip tunisassiorfiani ingerlatsisoq Emil Mølgaard oqarpoq.

Aalisartut ikinnerusut nipisanniarput

Qeqertarsuarmi suannik tunisineq majip aallaqqaataani ammarneqarpoq. Maannamut suaat tonsit qulingiluat missingi tunineqareerput, tunisalli siornarniit annikinnerupput.

- Illoqarfimmi aalisartut 60-it affaasa missingi kisimik maannamut suanniarnissamut akuersissummik pissarsinikuummata nipisat suaannik tunisineq maannamut annikinneruneruvoq, Emil Mølgaard oqaluttuarpoq. Taannali aamma oqarpoq suannik tunisinerup annikinnerunera sulisut sulinerisa annikillineqarnerannik nassataqanngitsoq.

- Marsimili sikuerattali aalisartut aalisakkanik tunioraalluarmata tunisat siornarniit annertunerupput. Taammattumik suannik tunisineq annikinnerugaluartoq aalisartut qaleralinnik saarullinnillu tunisaqarluartarmata sulisuvut quliusut sulinerulerput, Emil Mølgaard oqarpoq.

Ingerlatsivimmi Qeqertarsuarmiittumi saattuarniarneq aprilip aallaqqaataani ammarneqarpoq. Aalisariulli saattuarniartoq kujasinnerusumi saattuarniarluni aalisarnikuulluni aalisariut ippassaq Qeqertarsuup eqqaani saattuarniarluini aallarpoq.

- Sapaatip akunnerata tulliani saattussanik tunisineq aallartippat sulisuvut qulinik ilassavavut, Emil Mølgaard oqarpoq.

Allattoq: Inga Egede, ineg@royalgreenland.com

Asseq: Emil Mølgaard

Asseq

 
 

Royal Greenland aperiguk

i
Write the text from the image