Royal Greenlandip Nunatsinni tunisassianik tuniniaaviata misiliutitut raajat 2,5 kiilukkaarlugit poortukkat tuniniarpaat raajat kiilut tallimakkaarlugit poortukkut pisiniarfiit nillataartitsiviini inissaqartinniarneri eqqarsaatigalugu angivallaarnerat pissutigalugu, taamatutaaq pisisartut pisinissaat eqqarsaatigalugu.

- Raajat 2,5 kiilunngorlugit poortukkat nutaatut tuniniakkavut Nunatsinni sumiiffinni tamani tigulluarneqaqaat. Qaammatip ataatsip ingerlanerani tonsi ataaseq tunereerparput, Royal Greenlandip Nunatsinni tunisassianik tuniniaaviani tuniniaanermi ingerlatsisoq Malik Hegelund Olsen oqarpoq, nangipporlu:

- Raajat qalipallit tigummiaruminartunngorlugit 2,5 kiilunngorlugit poortukkat pisisartut pisiarissallugit iluarinerusimavaat. Taamaattumik aalajangersimasumik tuniniagaarilissanerivut nalilerneqassaaq, siunissamilu tunisassiaatitta aalajangersimasumik toqqasat ilagilissagaat anguniarparput.

Piumaneqarnerat annertusivoq

Malik Hegelund Olsen aamma oqarpoq raajat ooqanngitsut, raajat uutat aammalu raajat uutat qalipaajakkat pisisartunit piumaneqarnerat annertusiartortoq.

- Raajat assiginngitsutigut immikkoortitikkat pisisartunit piumaneqaleriartornerat maluginiarparput. Taamaattumik aamma raajanik assiginngitsunik immikoortitikkanik amerlanerusunik pisisartut pisiassaqarnissaat periarfissikumallugit assiginngitsunik immikkoortitsikkaniik assiginngitsunillu poortorneqarsimasunik tuniniaasalernissarput anguniagaraarput.

Raajat 45 tonsit missingi Royal Greenlandip Nunatsinni tunisassianik tuniniaaviata ukiumut Nunatsinni pisiniarfinnut tunisarpaat.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image