Royal Greenlandimi sulisut ataasiakkaat pingaartillugillu ingerlatsinitsinni pingaarutilittut isigaagut. Sulisuvut sulisoriinnarusukkatsigit ajunngitsumik iliuuseqarfiginiarlugillu umiarsuarni pitsaasunik atugassaqartinniartuarpagut. Inuttallu ilarparujussuisa uatsinni ukiut 25-t angullugit sinnerlugilluunniit atorfeqarsimanerisa ersersippaat ilungersuutigisimasagut kinguneqarsimasut.

Royal Greenlandi aalisartoqarnerup iluani 400-t missaannik sulisoqarpoq. Sulisut atorfinitsitsinermi eqqunngitsumik pineqarsimanerannik suliat pingasut maannamut Royal Greenlandimut ilisimatitsissutigineqarsimapput. Eqqunngitsumik pineqarsorisut suli ilaqassappata namminneq imaluunniit peqatigiiffimminneersumik ilaqarlutik uatsinnut saaffiginninnissaannut tikilluaqquagut, peqatigalugillu ajornartorsiutaasinnaasunik aaqqiiniaqatigissavagut.

Royal Greenlandimi umiarsuaatileqatigiiffittut ingerlatsineq umiarsuaatillit amerlaqataattulli assigiinngisitaarfiutigaaq. Ingerlatseqatigiiffik nammineq umiarsuaatinik ingerlatsiffiuvoq aammalu ingerlatseqatigiiffinnik namminersortunik suleqateqarluni, taakkunanngalu arlallit allaffissornikkut aqunneqarnerat Royal Greenlandimit isumagineqarput.

Taamaammat pissusissamisoorpoq umiarsuaatileqatigiit piginnittuunikkut aaqqissuussaanerat apeqqutaatillugu atorfinitsitsinermi isumaqatigiissutit malittarisassanik isumaqatigissutinillu assigiinngitsunik tunngaveqarmata. Taamaasilluni APK-p (maanna GE) aamma SIK-p ataatsimoorussatut isumaqatigiissutaat tunngavigalugit isumaqatigiissusiortoqartarpoq, aammalu assigiinngitsunik suliallit isumaqatigiissutaat aallaavigalugit atorfininnermi assigiinngitsunik immikkut isumaqatigiissusiortoqartarpoq.

Royal Greenlandip atorfininnermi isumaqatigiissusiortarnermi maleruagassanik eqquutsitsivoq, aamma Umiartornermi Inatsit nunatsinni atuutinngikkaluartorluunniit aammalu aalisartoqarnermi atorfininnermi isumaqatigiissusiortarneq atuutinngikkaluartorluunniit. Taamaammat Royal Greenlandip isumaqatigiissutinik atuuttunik tamanut saqqummiussiniarluni aalajangerpoq.

SIK-mik isumaqatigiissut uani alakkarneqarsinnaavoq.

Inuttat pillugit SIK-mik isumaqatigiissut uani alakkarneqarsinnaavoq.

APK-p inuttanik atorfinitsitsinermi isumaqatigiissutaa uani alakkarsinnaavat.

Asseq

 
 

Royal Greenland aperiguk

i
Write the text from the image