Sineriammi, Nuummi aammalu Svenstrupimi Royal Greenlandimi sulisut allat 25-it peqatigalugit Susanne Overgaard AWG-mi kajumissutsimik sulerusullutik nalunaartut ilagaat.

Royal Greenlandip AWG 2016-imut Nanoq-mik taasamik tapiissuteqarnera ilaatigut Royal Greenlandimi sulisut 50-it akissarsiaqaannarlutik sapaatip akunneranik AWG-imi sulisinnanerat ilaavoq. Sulisut 25-it AWG-mi kajumissutsimik sulisinnaanermut neqeroorut atorumallugu nalunaarsiammata sulisut ilaat sapaatip akunnerini marlunni AWG-mi sulinissamik periarfissinneqarput.

Taamaattumik sulisut ilaat AWG-ip aallartinnginnerani ingerlanneqarneranilu sulissapput allat AWG-ip ingernanneqarnerani kingornalu sulissallutik. Nuuummi qullersaqarfimmi sulisut ilaasa ulloq ataaseq AWG-mi sulinissartik kissaatigisimavaat.

Inuit tapersersuisut ikiuukkumasullu naapippai

Svenstrupimi Royal Greenlandip immikkoortortaani sulisut sisamat AWG-mi kajumissutsimik sulinissamut nalunaarput.

Susanne Overgaard siullermeerluni Kalaallit Nunaaniittoq sapaatit akunneri marluk AWG-mi sulinissi kissaatigisimavaa. Atuarfik Samuel Kleinschmidimi AWG-mi timersortartut siniffissaanik katiterilluni sulisoq oqaloqatigaarput.

- Kumissutsimik sulisuusugut ataqatigiilluaqaagut ikioqatigiilluarlutalu. Nuummiinninni inussiarnisaarneq ikiuukkumatussuserlu sumi tamaani naammattoorakku nuannaarutigaara. Assersuutigalugu skuusiniarlunga pisiniarfimmut iserama niuertitsisup allami akikinnerusunik pisiffigisinnaasannut innersuuppaanga, Danmarkimi taamaattoqarnavianngikkaluarpoq. Aap, nunarsi kusanarluinnarpoq aamma inuit ikiuukkumatuut qungujulaartullu naapikkakkit nuannerluinnarpoq, Susanne Overgaard AWG-ip naammassinissaanut sulisussaq oqarpoq.

Royal Greenlandimi sulisut AWG-imi sulinerminni aningaasarsiaqaannassapput angalanerallu akilerneqarluni, kisianni ullormusiaqassanngillat aamma nammineerlutik Nuummiinnermi nerisaqarnertik aammalu najugaqarnissartik isumagissavaat.

Allattoq: Inga Egede, ineg@royalgreenland.com

Assit: John David Eriksen

Asseq

 
 

Royal Greenland aperiguk

i
Write the text from the image