Sulinerup nalaani eqaarsaarluni tasitsaaqatigiittarneq timip peqqinnerulerneranik nassataqaannarani aamma sulinermi nuannaarnerulernermik ataatsimoornermillu misigilersitsivoq.

Ataatsimoorluni eqaarsaaqatigiittarneq oktoberimi aallartinneqartoq ullut tamaasa, aamma sapaatini pisartoq tunisasiorfiup iluani ingerlanneqartarpoq.

Nuannarineqaqaaq

- Ataatsimoorluta eqaarsaaqatigiittarnerput suleqatikkalu nuannarisorujussuuarput, ataatsimoornermik aamma sulinermi nuannaarnerulernermik pilersitsisoq suleqatima uangalumi misigaarput. Aamma ullormut akunnerpassuit sulinitsinni ilaatigullu oqimaatsunik kivitsisarluta sulisaratta timitta aalatinnerulernera iluaqutigaarput, Kangaatsiami tunisassiorfimmi sulisunut sinniisi tunisassiorfimmi ataqatigiissarisutut sulisoq Aqqalu Martin Lynge tunisassiorfimmi eqaarsaaqatigiittarnerni ilitsersuisuusartoq oqarpoq.

Aqqaluk Martin Lynge ilitsersuut malillugu eqaarsaartitsisartoq oqarpoq kingusinnersukkut timi tamakkiinerusoq eqaarsaarnermi ilitsersuut atulerumaarlugu.

- Naak tasitsaarluta eqaarsaaqatigiittarnerput minutsit tallimat qulillu akornnanni sivisussuseqaannartaraluartoq timinni sunniuteqartoq malugisimavara. Nuannaarnerulerpunga aamma timera eqaannerulerpoq. Taamaattumik tunisassiorfiit allat aamma suliffeqarfiit allat sulinerup nalaani eqaarsaartarneq atuutilersissagaat innersuussutigisinnaavara, eqaarsaartarnermi timimut peqqinnerulersitsiinnarani sulinermik nuannaalersitsillunilu ataatsimoornermik misigilersitsimmat, Aqqaluk Martin Lynge oqarpoq.

Allattoq: Inga Egede, ineg@royalgreenland.com

Assit: Carl Hansen

Asseq

 
 

Royal Greenland aperiguk

i
Write the text from the image