http://knr.gl/radiolivestream-16k

- Teknologikkut pitsanngoriaateqartoqarneratigut maanna internetikkut attaveqaat 16 kps-imik annertussusilik atorlugu KNR radio toqqannartunik tusarnaarneqarsinnaalerpoq. Periarfissap ammaanneqarneratigut kilisaatini inuttat aammalu imaani sulisut allat ajornannginnerusumik KNR radio tusarnaarsinnaalerpaat, Royal Greenlandimi siunnersortaaneq Ove Rosing Olsen oqarpoq.

Maannamut kilisaatini inuttat aammalu imaani angalasut allat KNR radio tusarnaarnissaanut periarfissaqareeraluarput, kisianni internettikkut periarfissat allat atorneqartillugit KNR radio tusarnaarneqarsinnaasarani.

-Avataani KNR- radiomi tusarnaarniartillugu internetikkut attaveqaat atorneqartartoq annertuujummat internetikkut periarfissat allat atorneqarnerisa nalaani KNR radio tusarnaarneqarsinnaaneq ajorpoq. Maanna internetikkut attaveqaatip annikinnerusup atuutsinneqalerneratigut KNR radio tusarnaajutigalugu internetikkut periarfissat allat aamma atorneqarsinnaalerput, Ove Rosing Olsen nassuiaavoq.

Ove Rosing Olsenip KNR radio suleqatigalugu internetikkut attaveqaat 16 kps –ip atuutsinneqarnissaanut sulissutiginnissimasup maanna imaani aalisartut sulitillutik inuaqatigiinni peqataanerulernissaminnut t periarfissaqalernerat nuannaarutigaa.

- Maanna kilisaatini inuttat avataani aalisarlutik KNR radiomi tusarnaarsinnaalernermikkut inuiaqatigiinni pisuni peqataanissaminnut periarfissinneqarnerisugut neriuutigaara kilisaatini inuttat ulluinnarni inuunerat ersarinnerulerumaartoq. Taamatuttaaq inuusuttut avataani aalisarluni inuussutissarsioteqarnermut tunngasunik soqutiginninnerat annertusissasoq neriuutigaara , Ove Rosing Olsen oqarpoq.

Allattoq: Inga Egede, ineg@royalgreenland.com

Asseq: John David Eriksen

Asseq

 
 

Royal Greenland aperiguk

i
Write the text from the image