Ooqattaagassaqartitsisoqarnerani Royal Greenlandip aalisakkanik tunisassiaanik peqqinnartunik eqqugssartalinnik eqquiniaasitsinermi peqataanissannut aamma periarfissaqarputit.

Royal Greenlandip nunatsinni tunisassianik tuniniaaviata Kommuneqarfik Sermersuup pitsaaliuinermut ullorititaq Nuuk Centerip paarlersuani malunnartitsinerani peqataanerani Royal Greenlandip tunisassiaanik ooqattaarinnissinnaallutillu eqquisinnaavutit.

- Royal Greenlandip tunisassiai peqqinnartut pilerisaarutigerusukkatsigit taamatuttaaq "Nerisaqarnermut innersuussutit qulit" sapaatip-akunneranut marloriarluta aalisagartortarnissatsinnut innersuussummik ilaqartut innuttaasunit malinneqarnissaat pingaartuusorigatsigu pitsaaliuinermut ullorititap malunnartinneqarnerani peqataassaagut, Royal Greenlandip nunatsinni tunisassianik tuniniaaviani tuniniaasoq Kaassannguaq Zeeb oqarpoq.

Royal Greenlandip nunatsinni tunisassianik tuniniaavia pitsaaliuinermut ullorititaq arfininngorpat malunnartinneqarpat aalisakkanik nerisassianik assigiinngitsunik sisamanik ooqattaagassaqartitsinikkut pilerisaarissaaq.

- Aalisakkanik nerisassianik assigiinngitsunik sisamanik ooqattaagassaqartitsissaagut; saarulliit issimi panertitat peqqinnartut, fishcakesit tassa qeeqqat nerpii ooriarlugit akuukkat siatallu dressingilerlugit, kapisilimmik sushiliat kiisalu ammassaat siatat seernartulikkat, Kaassannguaq Zeeb oqaluttuarpoq.

Royal Greenlandip tunisassiaanik peqqinnartunik nerisassianik ooqattaarinerinerup nalaani ooqattaarereernermiluunniit eqquiniaasitsinermi aalisakkat peqqinnassusaat pillugit immersugassamik apeqqutinik akiortugassanik imalimmik immersuisinnaavutit. Eqquiniaasitsinermi raajat qalipallit 2,5 kiilut, puussiaq saarullinnik, qaleralinnik kapisilinnillu pujuukkanik imalik kiisalu poortat marluk saarullinnik issimi panertitanik imallit eqqugassaapput.

Allattoq: Inga Egede, ineg@royalgreenland.com

Assit: RG

Asseq

 
 

Royal Greenland aperiguk

i
Write the text from the image