Royal Greenlandimi tunisassialerinermi ingerlatsisoq Niels Wann Jensen Kalaallit Nunaanni tunisassiap nutaap qaffasissumillu pitsaassusillip tunisaalluarnissaa pillugu neriuuteqarluarpoq.

- Royal Greenlandimi saarullinnik tunisassiarineqartartut assigiinngiiaartut amerlanerulersikkusuppavut, ilutigalugulu saarulliit nerpii annikitsumik tarajortikkat akigissaarmata tunisassiarisalernissaat isumatusaarneruvoq. Saarullinik annikitsumik tarajortikkanik aalajangersimasumik tunisassiortalernissap aallartinnissaanut pilersaarusiuleruttorpugut, Niels Wann Jensen oqarpoq.

Tunisaqarluarnissamut periarfissagissaarneq

Nunat allat tunisassiap nutaap pineqartup assinganik tunisassiortartut saarulliit tunisassiatik nerpii qaqqorinnilersinniarlugit akuutissianik soorlu fosfatinik atuisarput. Tunisassialli Kalaallit Nunaanneersut nerpii qaqqorereersuummata akuutissalersorneqartariaqanngillat.

- Tamanna tunngavigalugu tunisassiavut akuutissalersortariaqanngilavut, kisianni sorunami tarajortersinnaavagut. Tamanna pissutigalugu qaffasissumik pitsaassusilimmik piumaneqarluartumillu tunisassiornissatsinnut periarfissaqarpugut. Taamatuttaaq saarulliit nerpii annikitsumik tarajortikkat Europap kujasissuani tunisaalluartarmata tunisaqarluarnissamut periarfissagissaarpugut, Niels Wann Jensen oqarpoq, nangipporlu:

- Saarulliit nerpii annikitsumik tarajortikkat akii ajorisassaanngittuartillugit Paamiuni aalisakkanik tunisassiorfimmi pingaarnertut tunisassiarisarnissaat pilersaarutigaarput.

Saarulliit annikitsumik tarajortikkat Europap kujasissuani mamarineqarluarput.

Saarulliit annikitsumik tarajortikkat pilligit allaaserisaq tamaat Navigatiomi atuarsinnaavat, uani:

Allattoq: Inga Egede, ineg@royalgreenland.com

Assit: Niels Wann Jensen

Asseq

 
 

Royal Greenland aperiguk

i
Write the text from the image