Taanna oqarpoq inatsit malillugu Aalborg Østimi Royal Greenland Seafood A/S –imi igitassanik igitsiinnaratik atoqqitassanngortitsisarnertik aningaasanik atuiffiunani maanna angingaasanik isertitsiffiusartoq.

- Igitassat tunisinnaatillugit tunisarpavut, Peter Korsbæk Nordjyskemut oqarpoq.

Raajanik tunisassiornermi raajat igitassartaat siornatigut Reno Nordip ikuallaasarfianut igitassanngorlugit nassiunneqartarsimasut, tamannalu tonsimut ataatsimut 430 koruuninik Royal Greenlandimut aningaasartuutaasarsimagaluarpoq.

Kisianni siornatigut raajat igitassartai igitassanngortinneqartarsimasut maanna aalisarnermi tunisassiornermi suliffeqarfiit allat igitassaataannik akoorlugit Støvringimi Fodercentralen Limfjordenimi minkinut nerisassatut tunisassiarineqartalerput.

Raajanik tunisassiornermi raajat igitassartaat Royal Greenland Seafood A/S Aalborg Østimiittumi katersorneqartarput, tassani blokkinngorlugit qaleriiarlugit qeriteriarlugit Fodercentralimut nassiunneqartarput kiilumut 50 øremik akilersillugit. Taamaaliortarneq Royal Greenland Seafood A/S-imut ukiumut 60.000 koruuninik sipaarutaavoq.


Asseq: Nordjyske

Asseq

 
 

Royal Greenland aperiguk

i
Write the text from the image