Royal Greenlandimi sulisut kalaallinik Danmarkimi ilinniartunik ataavartumik atassuteqartarneq ukiorpassuarni ileqqoraat. Royal Greenlandilu suliffeqarfiit ilinniarfeqarfiillu Aalborgimi, Aarhusimi, Odensemi Københavnimilu ukioq manna septembarip 30-aniit oktobarip pingajuata tungaanut ussassaarineranni pisarneq malillugu peqataavoq.

Kalaallit Nunaanni suliffeqarfiit sulisunik amigaatillit nutaanik sulisoqarlernissaannut periarfissikkumallugit – taamatuttaaq kalaallinik Danmarkimi ilinniartunik atassuteqartarneq attakkumallugu - ussassaarinerit ingerlanneqartarput.

Qitiutitsineq

Royal Greenlandimi sulisut suliffeqarfiit ilinniarfeqarfiillu ussassaarisarneranni ukiuni arlaqartuni peqataasarnermikkut suliffeqarfiullu imaani nunamilu suliffinnik neqerooruteqarnermikkut kalaallit Danmarkimi ilinniartut nunatsinnut utertarnerannut sunniuteqaqataasarput.

Royal Greenlandimi sulisut suliffeqarfiit ilinniarfeqarfiillu ukioq manna ussassaarineranni - Namminersorlutik Oqartussani Sulisoqarnermut Aqutsisoqarfimmit aaqqissuunneqartumi - inuusuttunik imaani nunamiluunniit aalisakkanik tunisassiornermik aallutaqarnermut tunngasumik ilinniakkanik ingerlatsisunik atassuteqarusussimapput. Taamaattumik inuusuttut ilinniakkanik ataani allassimasunik ingerlatsisut ussassaarinerni qitiutissimavaat:

• Mistalitut/maskiinalerisutut ilinniartut

• Fiskeriteknologitut ilinniartut

• Laborantit

• Aningaasaqarnermut inatsisinillu ilisimatusarnermut tunngasunik ilinniartut

• Qaffasinnerusumik ilisimatusarlutik ilinniartut

Kalaallit Nunaanni suliffeqarfiit 28-t suliffeqarfiit ilinniarfeqarfiillu ukioq manna ussassaarineranni peqataapput.


Asseq: Christian Laursen

Asseq

 
 

Royal Greenland aperiguk

i
Write the text from the image