Saquumersitsinermi pulaartut saqqummersitseqataasullu Afrikap kujataani akuutissat akorutigineqartartut atorlugit Royal Greenlandimi tunisassianik akuukkanik ussiigamik saarulliup nerpia, raajat, aammalu saattussat akuutissat atussallugit takorloorneq ajukkavut atorlugit mamarluinnartunngorlugit sassaalliutigineqartut usserpaat.

Isumassanik pilersitsineq

Igasuunerup saqqummersitsinermi sassaalliutigisani " Kap Det Gode Håbip aamma Kap Farvelip oqaluttuartassaannik" taaguuserpai.

- Arctic Circle Bussiness aamma Sisimiuni inuusuttut ornittagaat "Nutaraq" suleqatigalugu tunisassiat Kalaallit Nunaanersut akuutissanik Sydafrikami atorneqartartut atorlugit raajat, saattussat aamma saarulliit nerpii qalannagit kisisannili annikitsumik pujuukkat inuusutut peqatigalugit sassaalliutigaavut saqqummersitsinermi pulaartut peqataasullu isumassarsitillugit ussigassaqartinnissaat anguniarlugu, Lars Jeppesen oqarpoq.

Tunisassiat sassaalliutigineqartut tassaasut raajat, saattussat aammalu Royal Greenlandip saarulliit nerpiinik tunisassiaa nutaaq Nutaaq Cod ooqartinnagit-annikitsumik pujuukkat. Tunisassiat nunatsinneersut akuutissanik Sydafrikameersunik akorullugit t iffiornermi pappiaqqanut atorneqartartunut poortuuteriarlugit glasimut naqqani ivigartalimmut ikeriarlugit assammik tigummiartakkamik gasimik minutsip missaani kissanneqareeramik ussigassat sassaalliutigineqarput. Taakku sassaalliutigineqartut immikkuullaarissumik tipeqarput glasi pujoorifffigineqartup naqqani ivikkat nunami katersat pujoorneqarnermikkut tipaannik tipeqarlutik. Ukiup qanoq ilinera aallaavigalugu ivikkat taakku soorlu paarnaqutinik allanilluunniit naasut pojoorinermi atorneqarsinnaapput.

- Taamatut igariaaseq "Street Food"-imik taaneqartarpoq. Tunisassiat naatitanik mangonik, liminik chilinik aammalu karrynik akoorneqarnermikkut aammalu ivikkat atorlugit pujoorneqarnermikkut immikkuullaarissumik mamaqarput, Lars Jeppesen oqarpoq.

Ajugaasut ukuupput:

Igasuunerup inussutullu Nutaqqameersut Sisimiut Timersortafianni saqummersitsiviat ornigarneqarluaqisoq Sisimiut aqquserngini nassaanik atortussianik atoqqitanik pinnersarneqarnikuuvoq soorlu palitsinik, qisunnik, aviisikunik, tuttup amianik aammalu qamutinik.

Igasuunerup inuusuttullu saqqummersitsiviat saqqummersitsinermi "nutaanik pilersitsisinnaasutut, isumassarsiatsialattut aamma sumiiffimmi attuumassuteqarluarnerpaasutut" saqqummersitsinermi saqqummersitsiviit 40-it sinneqartut akornanni ajugaasutut toqqarneqarpoq.

Lars Jeppesen Polar Fish 2016-imi peqataajartorluni Kalaallit Nunaannut pigami Royal Greenlandip nunatsinni tunisassianik tuniniaavia attaveqarfigisimavaa.

- Saqqummersitsinermi tunisassiat atorneqartut tamarluinnarmik Royal Greenlandip nunatasinni tunisassianik tuniniaavianit tapiissutaapput. Tunisassiat mamarluinnartuupput pitsassusiallu qaffasissumik pitsaassuseqarmata igallugit nuannerluinnarpoq, Lars Jeppesen oqarpoq.

Allattoq assiliisorlu: Inga Egede, ineg@royalgreenland.com

Asseq

 
 

Royal Greenland aperiguk

i
Write the text from the image