Aalisariut ningittagarsuut Qaanaap eqqaani aalisarpoq, tamatumanilu sinerissap qanittuani avataasiorluni sikunissaata tungaanut aalisassaaq.

Masilimmik piginnittumi Ice Trawl Greenland A/S-imi siulersuisuni siulittaasup taamatuttaaq Royal Greenland A/S-imi siunnersortaanerup ilisimatitsissutigaa, umiarsuaatileqatigiiffik Qaanaap eqqaani misileraalluni aalisarnissamut akuersissumik qinnuteqarlunilu tunineqarsimasoq.

- Avanersuarmi aalisarnermik inuussutissarsiuteqarnerup ineriartortinneqarnissaa Naalakkersuisuisunit soqutigineqarmat Qaanaap eqqaani qaleralinnik misileraalluni aalisarnermik aallartitsinissatsinnut qinnuteqarlutalu akuersissummik pivugut. Masilik sinerissap qanittuani Qaanaap eqqaaniittumi aalisarnissamut akuersissummik taamatuttaaq sumiiffimmi Canadap killeqarfiata eqqaaniittumi avataasiorluni aalisarnissamut akuersissumik 2016-imi ukiaagaa pivoq, Ove Rosing Olsen oqarpoq.

Masilik aalajangersakkat eqquutsinneqartussat pinngitsoornani malinneqarnissaannik piumasaqaatitaqartumik Qaanaap eqqaani qaleralinnik misileraalluni aalisarnissamut akuersissummik pivoq.

Masiliup Qaanaap eqqaani misileraalluni aalisarnini aggustip 24-aniit ingerlammaguli sinerissap qanittuani aalisarnermi pisaqarlualaarpoq, ilimagineqarporli ukiap ingerlanerani pisaqarnerussasoq.

- Avataasiorluni aalisarnermi pisat annertusiartortarsimapput, tamatumanilu paasivarput iluanaaruteqarfiusinnaasoq, Ove Rosing Olsen oqarpoq.

Allattoq: Inga Egede, ineg@royalgreenland.com

Assimik piginnittoq: RG

Asseq

 
 

Royal Greenland aperiguk

i
Write the text from the image