Usorsisimaarpoq

Tunisassiornermi aqutsisup Poul Heilmannip Nikolaj Jerimiassen tunisassiorfimmi inimut tunisassiorfiusumut takornariartinnginnerani tikilluaqquaa, tamatumalu kingorna tunisassiorfimmi pitsaassusilerinermi aqutsisoq Gunhild Schulze peqatigalugu saattuanik raajanillu tunisassianik naammasserlaanik sassaallerfigalugu. Ullup-qeqqasioreeramik tunisassiornerup ingerlarnga, suleriaatsit anguniakkallu Nikolaj Jerimiassenimut oqaluttuaraat. Tamatumani ilaatigut aalisartut ulapaarfiusuni tunisisinnaanermut periarfissaat pitsanngorsarumallugit tunisassiorfiup tunitsiviussussamik umiarsualiisoqarnissaa pillugu anguniagai Nikolaj Jerimiassenimut oqaluttuarineqarput.

- Royal Greenlandip Sisimiuni tunisassiorfiata tunisassiornera ingerlalluartoq paasigakku nuannaarutigeqaara. Tunisassiorfiup tunisassiornerata ingerlarnga suleriaatsillu pillugit ilisimasaqarlualernera aalisarnermut naalakkersuisutut sulininnut iluaqutigilluarsinnaavara, Nikolaj Jerimiassen oqarpoq.

Taamatuttaaq Royal Greenlandip Sisimiuni tunisassiorfia aalisarneq pillugu saqqummersitsineq Polar Fish 2016-imi saqqummersitsiartoqataallutik peqataasunik allanik sisamanngormat tallimanngormallu pulaartitsivoq.

Allattoq assiliisorlu: Inga Egede, ineg@royalgreenland.com

Asseq

 
 

Royal Greenland aperiguk

i
Write the text from the image